Еўдакія з Сапегаў

Еўдакія (Еўдоксія) Сапега (у манастве Кацярына; не пазней за 1615—1676) — дачка літоўскага падканцлера Паўла Стэфана Сапегі і Альжбеты Вэселен^[d], якая была дачкой венгерскага двараніна^[2].

Еўдакія з Сапегаў
Нараджэнне	не пазней за 1615
Смерць	9 сакавіка 1676(1676-03-09)[1] Менск, Менскі павет, Менскае ваяводства, Вялікае Княства Літоўскае[1]
Месца пахавання	Свята-Духаўскі манастыр базыльянак
Род	Сапегі
Бацька	Павел Стэфан Сапега[1]
Маці	Альжбета Вэселен[d][1]

Біяграфія

Дакладнай даты нараджэння пакуль не вызначана, але з улікам таго, што Альжбета памерла у 1615^[3], Еўдакія нарадзілася не пазней за гэту дату^[2]. З гэтага ж вынікае, што Еўдакія страціла маці неўзабаве пасля нараджэння.

Паходзіць з Коданьскай лініі Сапег. З 1639 года — манахіня Базыльянскага ордзена.

У 1645 годзе фундавала жаночы базыльянскі манастыр у гонар Святога Духа ў Мінску. Еўдакія ахвяравала манастыру 9 тысяч злотых, а таксама яшчэ 10 тысяч злотых на утрыманне пры манастыры бедных асірацелых дзяўчынак^[4].

У 1650 годзе стала абатысай (ігуменняй) вышэй згаданага базыльянскага манастыра.

Пасля смерці пахавана ў кляштары.

Лёс парэшткаў

Падчас аднаўлення царквы Святога Духа кляштару базыльянаў пры адкрыцці падмуркаў рэстаўратары таварыства «Мінская спадчына» разбурылі цалкам захаваныя ў лёхах царквы пахавальныя крыпты. Сярод спецыялістаў існуе меркаванне, што сярод парэшткаў людзей, на якія наткнуліся рэстаўратары, могуць быць і парэшткі Кацярыны Сапегі. Вернікі Грэка-каталіцкай царквы дамагаюцца, каб парэшткі былі вернутыя на ранейшае месца ў адноўленыя крыпты^[5].

Зноскі

1. Гісторыя Сапегаў : жыццяпісы, маёнткі, фундацыі — Мн.: Віктар Хурсік, 2017. — С. 95. — 586 с. — ISBN 978-985-7025-75-6

   <a href='https://wikidata.org/wiki/Track:Q122382124'></a>
2. Павел Стефан Сапега в дымке истории Архівавана 5 мая 2021. (руск.)
3. Dom Sapieżyński: w 2-ch cz. / oprac. Eustachy Sapieha. – Warszawa : Wydawnictwo Naukowe PWN, 1995. – Cz. 1. – 804 s.
4. БУДЫНАК МАНАСТЫРА БАЗЫЛЬЯНАК (нявызн.)(недаступная спасылка). Архівавана з першакрыніцы 20 кастрычніка 2022. Праверана 21 кастрычніка 2020.
5. Рэстаўратары страцілі парэшткі Кацярыны Сапегі?