Рапухі-павітухі

Павіту́хі, рапухі-павітухі^[1] (Alytes) — род бясхвостых земнаводных з сямейства круглаязычных.

Рапухі-павітухі
Павітуха звычайная (Alytes obstetricans)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Земнаводныя Падклас:  Lissamphibia Інфраклас:  Batrachia Надатрад:  Salientia Атрад:  Бясхвостыя Падатрад:  Апістацэльныя Сямейства:  Круглаязычныя Род:  Alytes
Міжнародная навуковая назва
Alytes Wagler, 1830
Сінонімы
Obstreticans Dugès, 1834 Ammoryctis Lataste, 1879 Baleaphryne Sanchíz et Adrover, 1979
Арэал
Сістэматыка на Віківідах Выявы на Вікісховішчы ITIS   208047 NCBI   8442 EOL   39979 FW   94178

Апісанне

Даўжыня да 5 см. Скура бародаўчатая, папяліста-шэрая.

Распаўсюджанне

Прадстаўнікі роду пашыраны ў Сярэдняй Еўропе, на Пірэнейскім паўвостраве і ў паўночна-заходняй частцы Афрыкі. Жывуць на ўзгорыстых і гарыстых мясцовасцях.

Асаблівасці біялогіі

Актыўныя ўночы. Пракопваюць доўгія хады ў глебе. Кормяцца беспазваночнымі.

Размнажэнне ў сакавіку-красавіку, звычайна ў 50-100 метрах ад бліжэйшай вады. Ікра запакаваная ў доўгія, да метра і больш, слізістыя шнуры (у кожным да 75 яец), якія самец намотвае на свае сцёгны (адсюль назва рода) і ахоўвае да таго часу, пакуль ікрынкі не паспеюць. Пасля гэтага, пасеўшы на дробным месцы, ён чакае, пакуль апалонікі не разарвуць абалонкі ікрынак і не сплывуць. Іх нянька, сарваўшы аб багавінне шалупіну ад яек, вяртаецца на бераг^[2].

Спіс відаў

• Alytes cisternasii Boscá, 1879 — Павітуха іберыйская
• Alytes dickhilleni
• Alytes maurus
• Alytes muletensis
• Alytes obstetricans Laurenti, 1768 — Павітуха звычайная

• 
  Alytes cisternasii
• 
  Alytes muletensis
• 
  Alytes dickhilleni

Зноскі

1. Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11). С. 470
2. Акимушкин И. И.  (руск.). Жерлянки, жабы-повитухи и чесночницы // Мир животных: Птицы. Рыбы, земноводные и пресмыкающиеся. — 3-е изд. — М.: Мысль, 1995. — С. 385—386. — 25 000 экз. — ISBN 5-244-00803-X.