Жулі Дэльпі

Жулі Дэльпі (фр.: Julie Delpy; нар. 21 снежня 1969, Парыж) — франка-амерыканская актрыса і кінарэжысёр.

Жулі Дэльпі
Julie Delpy
Дата нараджэння	21 снежня 1969(1969-12-21)[1][2][…] (55 гадоў)
Месца нараджэння	XIV акруга Парыжа, Парыж, рэгіён Іль-дэ-Франс, Метраполія Францыі, Францыя[3]
Грамадзянства	Францыя
Бацька	Альберт Дэльпі[d]
Маці	Мары Піе[d]
Адукацыя	Цішская школа мастацтваў[d]
Прафесія	кінаактрыса, сцэнарыст, аўтар-выканаўца, кампазітарка, кінарэжысёр, спявачка, мантажор, кінапрадзюсар, тэлеактрыса, музыкант, актрыса, рэжысёр
Кар’ера	з 1985 г.
Член у	Writers Guild of America West[d]
Узнагароды	Оскар за лепшы адаптаваны сцэнарый 2005 г.
IMDb	0000365
Медыяфайлы на Вікісховішчы

Жулі Дэльпі нарадзілася ў Парыжы ў сям’і акцёраў Мары Піле і Альбера Дэльпі. Вучылася рэжысуры ў Нью-Ёрку. Дэбютавала на сцэне ва ўзросце пяці гадоў. Першую невялікую кінаролю Дэльпі сыграла ў фільме Жан-Люк Гадара 1985 года «Дэтэктыў». Першую галоўную ролю атрымала ў фільме Бертрана Тавернье «Запал Беатрыс». Міжнароднага прызнання Дэльпі дамаглася ў 1990 годзе дзякуючы галоўнай ролі ў нашумелым фільме Агнешкі Холанд «Еўропа Еўропа» (1990). На хвалі гэтага поспеху пачаўся ўзлёт акцёрскай кар’еры Дэльпі, і ў наступныя гады яна знялася ў фільмах такіх вядомых рэжысёраў, як Фолькер Шлёндарф («Падарожнік», 1991) і Кшыштаф Кеслёўскі («Тры колеры: Белы», 1994).

Падвойны поспех на Берлінале Жулі Дэльпі і яе партнёру па фільме «Перад світанкам» (1995) і яго працягу «Перад заходам» (2004) амерыканскаму акцёру Ітану Хоўку забяспечыў рэжысёр Рычард Лінклейтэр. Дэльпі сама дэбютавала ў якасці рэжысёра ў фільме 2007 года «2 дні ў Парыжы».

У 2003 годзе выйшаў дыск Жулі Дэльпі з песнямі яе ўласнага сачынення на французскай мове, дзе яна сама акампануе сабе на гітары.

У наш час пражывае ў Лос-Анджэлесе. Зняла па ўласным сцэнарыі фільм пра крывавую графіню Эржэбет Батары «Графіня». У 2011 годзе выйшаў фільм «Канікулы на моры», зняты Дэльпі.

Абраная фільмаграфія

• 1986 — Благая кроў / Mauvais Sang — Ліз
• 1987 — Кароль Лір / King Lear — Вірджынія
• 1990 — Еўропа Еўропа / Europa Europa — Leni
• 1991 — Падарожнік / Homo Faber — Сабет
• 1993 — Тры мушкецёры / The Three Musketeers — Канстанцыя
• 1994 — Тры колеры: Белы / Trois Couleurs: Blank — Дамінік
• 1994 — Забіць Зоі / Killing Zoe — Зоі
• 1995 — Перад світанкам / Before Sunrise — Селін
• 1997 — Тысяча цудаў Сусвету — Іў Пурпур
• 1997 — Амерыканскі пярэварацень у Парыжы / An American Werewolf in Paris — Сарафін
• 1998 — Асалода / The Threat
• 1998 — Лос-Анджэлес без карты / L.A. without a map — Джулі
• 1998 — Злачынства і пакаранне / Crime and Punishment — Соня Мармеладава
• 1999 — Непапраўныя / But I’m a Cheerleader
• 2001 — Абуджэнне жыцця / Waking Life
• 2002 — Віла руж / Villa des Roses — Луіза
• 2004 — Перад заходам / Before Sunset — Селін
• 2005 — Зламаныя кветкі / Broken Flowers — Шэры
• 2005 — Містыфікацыя / The Hoax
• 2007 — Паветра, якім я дыхаю / The Air I Breathe
• 2007 — 2 дні ў Парыжы — рэжысёр, аўтар сцэнарыя, кампазітар; роля Мэрыён / Marion
• 2009 — Графіня — рэжысёр, аўтар сцэнарыя, галоўная роля — Эржэбет Батары / Elizabeth Báthory
• 2011 — Канікулы на моры — рэжысёр, аўтар сцэнарыя, галоўная роля
• 2013 — Перад поўначчу / Before Midnight

Зноскі

1. Julie Delpy // filmportal.de — 2005. Праверана 9 кастрычніка 2017.

   <a href='https://wikidata.org/wiki/Track:Q15706812'></a>
2. Julie Delpy // Brockhaus Enzyklopädie

   <a href='https://wikidata.org/wiki/Track:Q237227'></a>
3. Les gens du cinéma Праверана 2 лютага 2022.

   <a href='https://wikidata.org/wiki/Track:Q99821472'></a>