Жэлька Філіпавіч

Жэлька Філіпавіч (славенск.: Željko Filipović; нар. 3 кастрычніка 1988, Любляна) — славенскі футбаліст (паўабаронца) і трэнер. Ігрок нацыянальнай зборнай Славеніі (2013—2014). У цяперашні час працуе галоўным трэнерам клуба «Свабода» з Любляны.

Жэлька Філіпавіч
Нарадзіўся	3 кастрычніка 1988(1988-10-03)[1][2] (37 гадоў) Любляна, Сацыялістычная Рэспубліка Славенія, СФРЮ
Грамадзянства	Славенія
Рост	194 см
Вага	80 кг
Пазіцыя	паўабаронца
Інфармацыя пра клуб
Клуб	Свабода
Пасада	галоўны трэнер
Клубная кар’ера[* 1]
2005—2006 Дамжале 0 (0) 2006—2008 Баніфіка (Ізола) 26 (2) 2008—2009 Алімпія (Любляна) 30 (1) 2010 Дамжале 5 (0) 2010 Копер 4 (0) 2010—2016 Марыбар 139 (1) 2016—2017 Мехелен 33 (1) 2018 Дынама (Брэст) 17 (0) 2019 Атырау 9 (0) 2019 Вайводзіна (Нові-Сад) 1 (0)
Нацыянальная зборная[* 2]
Славенія (да 21) 3 (0) 2013—2014 Славенія 4 (0)
Трэнерская кар’ера
2021— Свабода (Любляна)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 12 снежня 2021. Колькасць гульняў і галоў за нацыянальную зборную ў афіцыйных матчах, адкарэктавана станам на 25 лютага 2018

Клубная кар’ера

Выхаванец клуба «Дамжале», дарослую кар’еру пачаў у клубе Другой лігі Славеніі «Баніфіка», пазней гуляў у Першай лізе за люблянскую «Алімпію», «Дамжале» і «Копер». У 2010 годзе перайшоў у «Марыбар», колеры якога абараняў на працягу шасці сезонаў. За гэты час стаў пяціразовым чэмпіёнам краіны, тройчы гуляў у групавым раўндзе Лігі Еўропы і аднойчы — у групавым раўндзе Лігі чэмпіёнаў. У 2016 годзе перайшоў у бельгійскі «Мехелен», за які гуляў 1,5 гады.

У лютым 2018 года падпісаў кантракт з беларускім клубам «Дынама» з Брэста^[3]. У першай палове сезона 2018 трывала гуляў у асноўным складзе, аднак з лета стаў рэдка з’яўляцца на полі. У снежні 2018 года кантракт з брэсцкім клубам быў разарваны^[4], і неўзабаве паўабаронца папоўніў склад мараканскага клуба «Ітыхад Танжэр»^[5]. Аднак, у студзені 2019 года перабраўся ў казахстанскі «Атырау»^[6].

У чэрвені 2019 года пакінуў «Атырау», а ў ліпені падпісаў двухгадовы кантракт з сербскай «Вайводзінай». Аднак, правёў за «Вайводзіну» толькі адзін матч і неўзабаве завяршыў кар’еру.

Міжнародная кар’ера

Выступаў за моладзевую зборную Славеніі. 14 жніўня 2013 года дэбютаваў у нацыянальнай зборнай Славеніі ў таварыскім матчы супраць Фінляндыі (0:2). Усяго за зборную згуляў у чатырох матчах.

Трэнерская кар’ера

У ліпені 2021 года ўзначаліў клуб «Свабода» з трэцяга дывізіёна Славеніі.

Дасягненні

• 01 Чэмпіён Славеніі (5): 2010/11, 2011/12, 2012/13, 2013/14, 2014/15
• 02 Срэбраны прызёр чэмпіянату Славеніі: 2015/16
• Уладальнік Кубка Славеніі (3): 2012, 2013, 2016
• Уладальнік Суперкубка Славеніі (4): 2010, 2012, 2013, 2014
• Пераможца Другой лігі Славеніі: 2008/09
• Уладальнік Кубка Беларусі: 2018
• Уладальнік Суперкубка Беларусі: 2018