Жэрэмі Мацьё

У Вікіпедыі ёсць артыкулы пра іншых людзей з прозвішчам Мацьё.

Жэрэмі́ Мацьё́ (фр.: Jérémy Mathieu; нар. 29 кастрычніка 1983, Люксёй-ле-Бен, Францыя) — французскі футбаліст, абаронца. Ігрок нацыянальнай зборнай Францыі (2011—2016).

Жэрэмі Мацьё
Агульная інфармацыя
Нарадзіўся	29 кастрычніка 1983(1983-10-29)[1][2] (41 год) Люксёй-ле-Бен[d], дэпартамент Верхняя Сона, Franche-Comté[d], Францыя
Грамадзянства	Францыя
Рост	189 см
Вага	83 кг
Пазіцыя	левы абаронца, цэнтральны абаронца
Маладзёжныя клубы
2000—2002 Сашо
Клубная кар’ера[* 1]
2002—2005 Сашо 86 (9) 2005—2009 Тулуза 113 (5) 2009—2014 Валенсія 126 (6) 2014—2017 Барселона 62 (3) 2017—2020 Спортынг 71 (6)
Нацыянальная зборная[* 2]
2000—2001 Францыя (да 18) 7 (0) 2001—2002 Францыя (да 20) 3 (1) 2003—2006 Францыя (да 21) 6 (2) 2011—2016 Францыя 5 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 3 ліпеня 2020. Колькасць гульняў і галоў за нацыянальную зборную ў афіцыйных матчах, адкарэктавана станам на 8 ліпеня 2017
Медыяфайлы на Вікісховішчы

Кар’ера

«Сашо»

Жэрэмі з’яўляецца выхаванцам клуба «Сашо». У складзе «ільвянятаў» дэбютаваў у 2002 годзе ў чэмпіянаце Францыі ў гульні супраць каманды «Седан». Разам з «Сашо» Жэрэмі заваяваў першы трафей у сваёй прафесійнай кар’еры — Кубак французскай Лігі 2004 года.

«Тулуза»

У 2005 годзе Мацьё перайшоў у «Тулузу». Другі сезон, у якім футбаліст гуляў за «Тулузу», апынуўся нечакана ўдалым для каманды, гэта значыць «Тулуза» заняла трэцяе месца ў чэмпіянаце, заваяваўшы пуцёўку ў папярэдні этап Лігі чэмпіёнаў. І хоць наступны сезон быў куды менш паспяховы — каманда з цяжкасцю захавала месца ў эліце — малады абаронца звярнуў на сябе ўвагу адразу некалькіх еўрапейскіх клубаў, у прыватнасці, «Ромы», «Бардо»^[3] і «Джэноа».

«Валенсія»

Аднак, Жэрэмі зрабіў іншы выбар: у 2009 годзе, пасля заканчэння тэрміну кантракта з «Тулузай», футбаліст падпісаў 3-гадовае пагадненне з іспанскай «Валенсіяй»^[4] і ўжо ў наступным сезоне дэбютаваў за свой новы клуб у чэмпіянаце Іспаніі і Лізе Еўропы. 6 снежня 2009 года Жэрэмі забіў свой першы мяч у іспанскім першынстве: на яго рахунку пераможны гол у матчы супраць «Атлетыка» (Більбаа), які завяршыўся з лікам 2:1 на карысць «Валенсіі».

«Барселона»

Улетку 2014 года Мацьё перайшоў у «Барселону» за 20 мільёнаў еўра, стаўшы найдаражэйшым абаронцам у гісторыі ва ўзросце пасля 30 гадоў^[5]. Спачатку гуляў у аснове каталонскага клуба, але пазней страціў месца ў складзе.

«Спортынг»

У ліпені 2017 года стаў іграком лісабонскага «Спортынга»^[6].

У чэрвені 2020 года ў сувязі з траўмай калена прыняў рашэнне аб завяршэнні кар’еры^[7].

Міжнародная кар’ера

У зборную Францыі футбаліст упершыню быў выкліканы ў 2007 годзе для ўдзелу ў таварыскім матчы супраць зборнай Славакіі, але ўдзелу ў гульні на прымаў, згуляўшы за каманду рэзервістаў зборнай Францыі з рэзервовым складам зборнай Славакіі.

4 кастрычніка 2011 года Мацьё быў выкліканы ў зборную галоўным трэнерам Ларанам Бланам, для ўдзелу ў адборачных матчах чэмпіянату Еўропы 2012 супраць зборнай Албаніі і зборнай Босніі і Герцагавіны, аднак удзелу зноўку не прымаў. Першую сваю гульню Жэрэмі правёў 11 лістапада 2011 года ў таварыскай сустрэчы супраць зборнай ЗША (1:0).

Дасягненні

«Сашо»:

• Уладальнік Кубка французскай лігі: 2004

«Барселона»:

• Чэмпіён Іспаніі (2): 2015, 2016
• Уладальнік Кубка Іспаніі (3): 2015, 2016, 2017
• Уладальнік Суперкубка Іспаніі: 2016
• Пераможца Лігі чэмпіёнаў: 2015
• Уладальнік Суперкубка УЕФА: 2015
• Пераможца клубнага чэмпіянату свету: 2015

«Спортынг»:

• Уладальнік Кубка Партугаліі: 2019
• Уладальнік Кубка партугальскай лігі (2): 2018, 2019