Завір’е

Завір'е — возера ў Расонскім раёне Віцебскай вобласці. Знаходзіцца ля мяжы з Пскоўскай вобласцю Расіі, у басейне ракі Нішча, за 22 км на паўночны захад ад Расон, за 2,8 км на паўночны ўсход ад балотнага масіва Вялікі Мох. Уваходзіць у склад заказніка Чырвоны Бор.

Завір'е
Морфаметрыя
Вышыня над узроўнем мора	141,4[1] м
Даўжыня	0,85 км
Шырыня	0,28 км
Плошча	0,22 км²
Даўжыня берагавой лініі	2,2 км
Размяшчэнне
Краіна	Беларусь
Рэгіён	Віцебская вобласць
Завір'е
Завір'е

Плошча паверхні возера каля 0,22 км², даўжыня каля 0,85 км, найбольшая шырыня каля 0,28 км. Даўжыня берагавой лініі 2,2 км. Акружана густым лесам і забалочанай поймай. На поўначы злучана ручаём з возерам Дзёміна, што ў Пскоўскай вобласці. На поўдні выцякае ручай, які ўпадае ў раку Нішча.

У возеры водзяцца лешч, шчупак, плотка, лінь, акунь і іншыя віды рыб.

Зноскі

1. Ліст карты O-35-142. Выданне 1987 г. Стан мясцовасці на 1983 г. Архівавана 1 мая 2013.