Заельнікі (Вілейскі раён)

У паняцця ёсць і іншыя значэнні, гл. Заельнікі.

Зае́льнікі^[1] (трансліт.: Zajeĺniki, руск.: Заельники) — вёска ў Вілейскім раёне Мінскай вобласці. Уваходзіць у склад Хаценчыцкага сельсавета.

Вёска Заельнікі Краіна Беларусь Вобласць Мінская Раён Вілейскі Сельсавет Хаценчыцкі Каардынаты 54°18′09″ пн. ш. 27°22′42″ у. д.HGЯO Насельніцтва ▼20 чал. (2009) Часавы пояс UTC+3 Тэлефонны код +375 1771 Паштовыя індэксы 222456 Аўтамабільны код 5 СААТА 6213878091 Заельнікі Заельнікі Заельнікі

Геаграфія

Знаходзіцца за 54 км на паўднёвы ўсход ад Вілейкі, 82 км ад Мінска, 21 км ад чыг. ст. Уша на лініі Мінск—Маладзечна.

Гісторыя

У 1800 годзе вёска Заельнічы ў Вілейскім павеце Мінскай губерні Расійскай імперыі, у складзе маёнтка Лаўцэвічы, уласнасць генерал-маёра І. Няплюева. У 1873 г. вёска ў Рабцоўскай сельскай грамадзе Хаценчыцкай воласці Вілейскага павета Віленскай губерні, 26 рэвізскіх душ; у 1908 г. 103,7 дзесяцін надзелаў.

З 1921 года вёска ў складзе Польскай Рэспублікі, знаходзілася у гміне Хаценчыцы Вілейскага павета Віленскага ваяводства^[2].

З лістапада 1939 года ў БССР, з 15.1.1940 г. ў Ільянскім раёне Вілейскай вобласці, з 12.10.1940 г. ў Хаценчыцкім сельсавеце. У Вялікую Айчынную вайну з 25.6.1941 г. да 3.7.1944 г. акупіраваны нацыстамі. У кастрычніку 1943 г. карнікамі спалены 20 двароў, загублены 11 жыхароў. З 20.9.1944 г. ў Ільянскім, з 20.7.1957 г. ў Вілейскім раёнах Маладзечанскай, з 20.1.1960 г. Мінскай абласцей.

Насельніцтва

• 1800 год — 43 жыхары, 4 двары.
• 1866 год — 64 жыхары, 8 двароў^[3]
• 1897 год — 107 жыхароў, 17 двароў.
• 1908 год — 134 жыхары, 19 двароў.
• 1921 год — 159 жыхароў, 25 двароў^[4].
• 1931 год — 176 жыхароў, 29 двароў^[5].
• 1940 год — 141 жыхар, 35 двароў.
• 1960 год — 113 жыхароў.
• 2008 год — 24 жыхары, 15 гаспадарак.