Замкавая гара (Пуцэвічы)

У паняцця ёсць і іншыя значэнні, гл. Замкавая гара.

За́мкавая гара (Пуцэвіцкая^[1]) — узгорак у Ладзеніцкім сельсавеце Навагрудскага раёна Гродзенскай вобласці вышынёй 324,1 м над узроўнем мора.

Замкавая гара
Замкавая гара, Пуцэвічы, выгляд з боку вёскі
Найвышэйшы пункт
Абсалютная вышыня	324,1 м
Размяшчэнне
53°36′08″ пн. ш. 25°46′31″ у. д.HGЯO
Краіна	Беларусь
Вобласць	Гродзенская вобласць
Раён	Навагрудскі раён
Хрыбет ці масіў	Навагрудскае ўзвышша
Замкавая гара
Замкавая гара

Замкавая гара — найвышэйшы пункт Навагрудскага ўзвышша і наогул Гродзенскай вобласці. Знаходзіцца за 3 км на захад ад Навагрудка побач з вёскай Пуцэвічы.

Апісанне

Складзена чырвона-бурымі марэннымі суглінкамі, перакрытымі пылаватым супескам. Мае выгляд спадзіста-выпуклага падняцця субмерыдыяльнага кірунку, тыповага для краявых утварэнняў. Схілы спадзістыя, пераважная стромкасць 3—7°, адносныя перавышэнні да 20—25 м. Глебы дзярнова-падзолістыя сярэднеападзоленыя, бліжэй да вяршыні эрадзіраваныя. Амаль уся пад ворывам.

Гл. таксама

• Замкавая гара ў Навагрудку, на якой захаваліся руіны Наваградскага замка (XIII—XVI ст.). Побач з гарой насыпаны Курган Бессмяротнасці Адама Міцкевіча.

Зноскі

1. БСЭ. Новогрудская возвышенность