Замошша (Баранавіцкі раён)

У паняцця ёсць і іншыя значэнні, гл. Замошша.

Замо́шша^[1] (трансліт.: Zamošša, руск.: Замошье) — вёска ў Баранавіцкім раёне Брэсцкай вобласці. Уваходзіць у склад Малахавецкага сельсавета. Размешчана за 16 км на поўдзень ад Баранавіч. Насельніцтва 48 жыхароў, 28 гаспадарак (2005).

Вёска Замошша Краіна Беларусь Вобласць Брэсцкая Раён Баранавіцкі Сельсавет Малахавецкі Каардынаты 53°02′33″ пн. ш. 25°58′02″ у. д.HGЯO Насельніцтва ▼43 чал. (2009) Часавы пояс UTC+3 Тэлефонны код +375 163 Паштовыя індэксы 225352 Аўтамабільны код 1 СААТА 1204839021 Замошша на карце Беларусі ±

Гісторыя

Паводле перапісу 1897 годзе ў Ястрамбельскай воласці Навагрудскага павета.

З 1921 года ў складзе Польшчы, у Баранавіцкім павеце Навагрудскага ваяводства.

З 1939 года ў БССР. З 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне.

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. На франтах вайны загінулі 4 вяскоўцы.

Насельніцтва

• XIX стагоддзе:
  • 1897 — 22 двары, 135 жыхароў.
• XX стагоддзе:
  • 1909 — 24 двары, каля 150 жыхароў.
  • 1921 — 20 дамоў, 105 жыхароў.
  • 1939 — 148 жыхароў.
  • 1959 — 101 жыхар.
  • 1998 — 36 двароў, 58 жыхароў.
• XXI стагоддзе:
  • 2005 — 48 жыхароў, 28 гаспадарак.

Інфраструктура

Працуе магазін.

Славутасці

Страчаная спадчына

Сядзіба Вольскіх

• Сядзіба Вольскіх.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)