Зара (Буда-Кашалёўскі раён)

У паняцця ёсць і іншыя значэнні, гл. Зара (значэнні).

Зара́^[1] (трансліт.: Zara, руск.: Заря) — пасёлак у Буда-Кашалёўскім раёне Гомельскай вобласці. Уваходзіць у склад Гусявіцкага сельсавета.

Пасёлак Зара Краіна Беларусь Вобласць Гомельская Раён Буда-Кашалёўскі Сельсавет Гусявіцкі Каардынаты 52°39′19″ пн. ш. 30°35′50″ у. д.HGЯO Першая згадка XX стагоддзе Колькасць двароў 30 Насельніцтва 48 чалавек (2004) Часавы пояс UTC+3 Тэлефонны код +375 2336 Аўтамабільны код 3 СААТА 3205824016 Зара на карце Беларусі ±

Побач размешчаны паклады цагляных глін.

Геаграфія

Размяшчэнне

За 8 км на поўдзень ад раённага цэнтра і чыгуначнай станцыі Буда-Кашалёўская, 45 км ад Гомеля.

Гідраграфія

На поўначы рака Уза (прыток ракі Сож).

Транспартная сетка

Транспартныя сувязі па прасёлкавай, затым аўтамабільнай дарозе Буда-Кашалёва — Гомель. Планіроўка складаецца з кароткай просталінейнай мерыдыянальнай вуліцы, забудаванай двухбакова драўлянымі дамамі сядзібнага тыпу.

Гісторыя

Заснавана напачатку XX стагоддзя перасяленцамі з суседніх вёсак. У 1930 годзе жыхары вёскі ўступілі ў калгас. У 1959 годзе ў складзе эксперыментальнай базы «Пянчын» (цэнтр — вёска Пянчын).

Насельніцтва

Колькасць

• 2004 год — 30 гаспадарак, 48 жыхароў.

Дынаміка

• 1926 год — 19 двароў, 115 жыхароў.
• 1959 год — 170 жыхароў (паводле перапісу).
• 2004 год — 30 гаспадарак, 48 жыхароў.

Зноскі

1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).