Галубоўскі сельсавет

Галубо́ўскі сельсавет — былая адміністрацыйна-тэрытарыяльная адзінка ў складзе Мастоўскага раёна Гродзенскай вобласці. Цэнтр — вёска Галубы.

Галубоўскі сельсавет
Краіна	Беларусь
Уваходзіць у	Мастоўскі раён
Уключае	8 населеных пунктаў
Адміністрацыйны цэнтр	Галубы
Дата ўтварэння	12 кастрычніка 1940
Дата скасавання	26 лютага 2013
Насельніцтва (2009)	649
Часавы пояс	UTC+03:00
Код аўтам. нумароў	4

Утвораны 12 кастрычніка 1940 года як Зачэпіцкі сельсавет у складзе Жалудоцкага раёна Баранавіцкай вобласці БССР. Цэнтр — вёска Зачэпічы. З 20 верасня 1944 года ў складзе Гродзенскай вобласці. 16 ліпеня 1954 года перайменаваны ў Галубоўскі сельсавет, цэнтр перанесены ў вёску Галубы^[1]. З 17 красавіка 1962 года ў складзе Мастоўскага раёна, з 25 снежня 1962 года ў складзе Шчучынскага раёна, з 6 студзеня 1965 года ў складзе адноўленага Мастоўскага раёна. 26 лютага 2013 года скасаваны, тэрыторыя далучана да Курылавіцкага сельсавета^[2].

Насельніцтва сельсавета паводле перапісу 2009 года складала 649 чалавек^[3], з іх 95,2 % — беларусы, 3,5 % — палякі^[4].

На момант скасавання ў склад сельсавета ўваходзілі 8 населеных пунктаў: Воля-Крупіцы, Галубы, Маскалі, Руда Ліпічанская, Стукалы, Шасцілы, Шымкі і Ярчакі.