Зборная СССР па футболе

Зборная СССР па футболе — нацыянальная футбольная каманда, якая прадстаўляла СССР у міжнародных спаборніцтвах па футболе. Існавала з 1923 па 1991 год. Правапераемніцай зборнай СССР была зборная СНД. Чэмпіён Еўропы 1960 года.

СССР
Канфедэрацыя	УЕФА (Еўропа)
Федэрацыя	Федэрацыя футбола СССР
Галоўны трэнер	Anatoliy Byshovets[d]
Капітан	Аляксей Аляксандравіч Міхайлічэнка[d]
Найбольшая колькасць гульняў	Алег Блахін (112)
Найлепшы бамбардзір	Алег Блахін (42)
Хатні стадыён	Цэнтральны імя Леніна
Код ФІФА	URS
Асноўная форма Рэзервовая форма
Першая гульня
СССР 3:0 Турцыя  (Масква, СССР; 16 лістапада 1924)
Апошняя гульня
Кіпр 0:3 СССР  (Ларнака, Кіпр; 13 лістапада 1991)
Самая буйная перамога
СССР 11:1 Індыя  (Масква, СССР; 16 верасня 1955)  Фінляндыя 0:10 СССР  (Хельсінкі, Фінляндыя; 15 жніўня 1957)
Самае буйное паражэнне
Англія 5:0 СССР  (Лондан, Англія; 22 кастрычніка 1958)
Чэмпіянат свету
Колькасць удзелаў	7 (Упершыню 1958)
Найлепшы вынік	4 месца (1966)
Чэмпіянат Еўропы
Колькасць удзелаў	5 (Упершыню 1960)
Найлепшы вынік	Чэмпіён (1960)

Гісторыя

Дэбют зборнай СССР на чэмпіянаце свету адбыўся ў 1958 годзе ў Швецыі, дзе каманда спынілася на стадыі 1/4 фінала. У 1960 годзе савецкія футбалісты заваявалі тытул пераможцаў першага ў гісторыі чэмпіянату Еўропы, які праходзіў у Францыі, перамогшы ў фінале зборную Югаславіі з лікам 2:1^[1].

На чэмпіянатах свету найлепшым дасягненнем зборнай СССР стала чацвёртае месца на турніры 1966 года, дзе ў матчы за трэцяе месца каманда саступіла Партугаліі з лікам 1:2. Адзіны гол савецкай каманды тады забіў нападнік мінскага «Дынама» Эдуард Малафееў.

На чэмпіянатах Еўропы савецкія футбалісты тры разы станавіліся сярэбранымі прызёрамі — у 1964, 1972 і 1988 гадах. Акрамя таго, чацвёртае месца каманда займала ў 1968 годзе^[1].

На Алімпійскіх гульнях зборная СССР двойчы станавілася пераможцам — у 1956 і 1988 гадах, а таксама тры разы запар заваёўвала бронзавыя медалі (1972, 1976, 1980)^[1].

Алег Блахін з’яўляецца рэкардсменам савецкай зборнай па колькасці галоў і па колькасці сыграных матчаў, забіўшы 42 мячы ў 112 сустрэчах^[2].

Сярод ураджэнцаў Беларускай ССР, якія выступалі за зборную СССР, асабліва вылучаюцца Сяргей Бароўскі, Сяргей Алейнікаў, Андрэй Зыгмантовіч, Сяргей Гоцманаў і Георгій Кандрацьеў^[3].

Склад зборнай у 1961 годзе