Званочак скучаны

Званочак скучаны^[1] (Campanula glomerata) — від роду званочак (Campanula) сямейства званочкавыя (Campanulaceae).

Званочак скучаны
Агульны выгляд квітнеючай расліны.
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Званочкавыя Падсямейства:  Campanuloideae Род:  Званочак Від:  Званочак скучаны
Міжнародная навуковая назва
Campanula glomerata L., 1753
Сінонімы
Campanula glomerata cephalotes Campanula glomerata cervicarioides Campanula glomerata daqingshanica Campanula glomerata elliptica Campanula glomerata farinosa Campanula glomerata glomerata Campanula glomerata hispida Campanula glomerata serotina Campanula glomerata subcapitata
Сістэматыка на Віківідах Выявы на Вікісховішчы ITIS   34485 NCBI   82281 EOL   591924 IPNI   140364-1 TPL   kew-364698

Назва

Званочак скучаны, званкі, званочкі^[2], вешчаніц, званок, званок купкаваты, іванава галава, іванавы краскі, рышточнік^[3][4][5], шалфей палявы^[3].

Батанічнае апісанне

Батанічная ілюстрацыя з кнігі К. А. М. Ліндмана «Bilder ur Nordens Flora», 1917—1926

Сцябло адзіночнае вышынёй 20—40, часам да 60 см. Як правіла, пакрытае серабрыстымі валасінкамі, рэдка — голае. Светла-ліловыя кветкі 1,5—3 см у даўжыню сабраны ў суквецце у верхняй частцы сцябла. Часам (рэдка) кветкі белага колеру.

Распаўсюджанне

Дадзены від расце ў Азіі (ад Ірана да Японіі) і ў Еўропе. Інтрадуцыраваны ў Паўночную Амерыку.

Біялогія і экалогія

Шматгадовая расліна, цвіце з чэрвеня па верасень. Расце на сухіх лугах, у зарасніках, равах.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 29. — 160 с. — 2 350 экз.
2. Антонов А. А. О врачебных растениях, дикорастущих в Витебской губернии и употребляемых населением ее в домашней народной медицине. Витебск, 1888
3. Анненков Н.  (руск.) Ботанический словарь, Спб, 1878
4. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
5. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.