Зыгмунд Антонавіч Валявач

Зыгмунд Антонавіч Валявач (13 мая 1953, в. Высокая Ліпа, Нясвіжскі раён, Мінская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.

Зыгмунд Антонавіч Валявач
Дэпутат Палаты прадстаўнікоў Нацыянальнага сходу Рэспублікі Беларусь V склікання 18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Нараджэнне	13 мая 1953(1953-05-13) (72 гады) Высокая Ліпа, Ліпскі сельсавет, Нясвіжскі раён, Баранавіцкая вобласць, Беларуская ССР, СССР
Адукацыя	Мінскае вышэйшае інжынернае зенітна-ракетнае вучылішча БДУ
Навуковая ступень	кандыдат тэхнічных навук
Месца працы	Мінскае вышэйшае інжынернае зенітна-ракетнае вучылішча ВАРБ
Званне	палкоўнік

У Вікіпедыі ёсць артыкулы пра іншых людзей з прозвішчам Валявач.

Біяграфія

Нарадзіўся 13 мая 1953 года ў в. Высокая Ліпа Нясвіжскага раёна Мінскай вобласці.

Скончыў Мінскае вышэйшае інжынернае зенітнае ракетнае вучылішча супрацьпаветранай абароны па спецыяльнасці «Радыётэхнічная», ваенны інжынер па радыётэхніцы; Беларускі дзяржаўны ўніверсітэт па спецыяльнасці «Паліталогія», палітолаг, выкладчык сацыяльна-палітычных дысцыплін. Палкоўнік запасу. Кандыдат тэхнічных навук, дацэнт.

Праходзіў ваенную службу на пасадах намесніка камандзіра батарэі і зенітнага ракетнага дывізіёна, курсавога афіцэра факультэта, малодшага і старшага навуковага супрацоўніка, намесніка начальніка навукова-даследчага аддзела Мінскага вышэйшага інжынернага зенітнага ракетнага вучылішча супрацьпаветранай абароны, начальніка навукова-даследчага аддзела, намесніка начальніка Ваеннай акадэміі Рэспублікі Беларусь па навуковай рабоце.

Працаваў на пасадах прафесара кафедры сацыяльных навук і начальніка навукова-даследчай лабараторыі ўстановы адукацыі «Ваенная акадэмія Рэспублікі Беларусь».

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.

Асабістае жыццё

Жанаты, мае сына і дачку.

Зноскі