Андрэй Уладзіміравіч Кабякоў

Андрэй Уладзі́міравіч Кабякоў (21 лістапада 1960, Масква, РСФСР) — беларускі дзяржаўны дзеяч, прэм'ер-міністр Рэспублікі Беларусь з 27 снежня 2014 па 18 жніўня 2018.

Андрэй Уладзіміравіч Кабякоў
8-ы прэм'ер міністр Рэспублікі Беларусь 27 снежня 2014 — 18 жніўня 2018
Прэзідэнт	Аляксандр Лукашэнка
Папярэднік	Міхаіл Мясніковіч
Пераемнік	Сяргей Румас
Надзвычайны і Паўнамоцны Пасол Рэспублікі Беларусь у Расійскай Федэрацыі 8 снежня 2011 — 27 жніўня 2012
Прэзідэнт	Аляксандр Лукашэнка
Кіраўнік урада	Міхаіл Мясніковіч
Папярэднік	Васіль Далгалёў
Пераемнік	Ігар Петрышэнка
Кіраўнік Адміністрацыі Прэзідэнта Рэспублікі Беларусь 27 жніўня 2012 — 27 снежня 2014
Прэзідэнт	Аляксандр Лукашэнка
Кіраўнік урада	Міхаіл Мясніковіч
Папярэднік	Уладзімір Макей
Пераемнік	Аляксандр Косінец
4-ы міністр эканомікі Рэспублікі Беларусь 3 ліпеня 2002 — 24 снежня 2003
Прэзідэнт	Аляксандр Лукашэнка
Кіраўнік урада	Генадзь Навіцкі
Папярэднік	Уладзімір Шымаў
Пераемнік	Мікалай Зайчанка
2-і старшыня Камітэта дзяржаўнага кантролю Рэспублікі Беларусь 2 снежня 1998 — 24 ліпеня 2000
Прэзідэнт	Аляксандр Лукашэнка
Кіраўнік урада	Сяргей Лінг (да 18 лютага 2000), Уладзімір Ярмошын
Папярэднік	Мікалай Дамашкевіч
Пераемнік	Анатоль Тозік
Нараджэнне	21 лістапада 1960(1960-11-21) (64 гады) Масква, РСФСР, СССР
Веравызнанне	праваслаўе
Партыя	беспартыйны
Адукацыя	Беларускі дзяржаўны эканамічны ўніверсітэт Маскоўскі авіяцыйны інстытут
Месца працы	Адміністрацыя прэзідэнта Рэспублікі Беларусь
Узнагароды	Ордэн Айчыны 3 ступені, Беларусь Ордэн Пашаны, Беларусь
Сайт	government.by/en/prime-m…
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Кабякоў.

Біяграфія

Нарадзіўся ў Маскве ў 1960 годзе. З трохгадовага ўзросту жыў на тэрыторыі Беларусі^[1].

У 1983 годзе скончыў Маскоўскі авіяцыйны інстытут. У 1985—1988 гадах працаваў спачатку старэйшым майстара, намеснікам начальніка цэха і намеснікам начальніка зборачнай вытворчасці завода «Дыяпраектар», г. Рагачоў Гомельскай вобласці, а у 1988—1989 гадах — інструктарам арганізацыйнага аддзела Рагачоўскага гаркаму КПБ.

У 1991 годзе скончыў Беларускі дзяржаўны інстытут народнай гаспадаркі імя В. У. Куйбышава. У 1989—1991 гадах быў слухачом у Інстытуце паліталогіі і сацыяльнага кіравання КПБ.

У 1991—1992 гадах быў начальнікам планава-эканамічнага аддзела завода, а ў 1992—1995 гадах — намеснікам дырэктара па эканоміцы заводу «Дыяпраектар».

У 1995—1996 гадах займаў пасаду намесніка начальніка Службы кантролю прэзідэнта Рэспублікі Беларусь, а ў 1996—1998 гадах - намесніка Старшыні Камітэта дзяржаўнага кантролю Рэспублікі Беларусь. З чэрвеня 1998 года — прэзідэнт Беларускага дзяржаўнага канцэрна па вытворчасці і рэалізацыі тавараў лёгкай прамысловасці.

2 снежня 1998 года загадам прэзідэнта № 575 прызначаны старшынёй Камітэта дзяржаўнага кантролю Рэспублікі Беларусь, а 6 кастрычніка 2000 г. прызначаны прадстаўніком дзяржавы ў ААТ «Белпрамбудбанк».

У 2000—2001 гадах з’яўляўся першым намеснікам прэм’ер-міністра Рэспублікі Беларусь. 3 студзеня 2001 г. яму даручана стварыць камісію, якая зоймецца аператыўным кантролем за рытмічным напаўненнем дзяржбюджэту ў 2001 г. 21 верасня 2001 г. ізноў абраны прэзідэнт прыняў адстаўку Савета міністраў Рэспублікі Беларусь. 24 верасня 2001 г. загадам прэзідэнта № 519 прызначаны намеснікам прэм’ер-міністра Рэспублікі Беларусь.

З 3 ліпеня 2002 года па 24 снежня 2003 года — міністр эканомікі Беларусі. Са снежня 2003 года па 28 снежня 2010 года — намеснік Прэм’ер-міністра Рэспублікі Беларусь.

З 28 снежня 2010 года — намеснік Кіраўніка Адміністрацыі Прэзідэнта Рэспублікі Беларусь^[2].

8 снежня 2011 года прызначаны Надзвычайным і Паўнамоцным Паслом Рэспублікі Беларусь у Расійскай Федэрацыі^[3].

З 27 жніўня 2012 года^[4] па 27 снежня 2014 года^[5] быў кіраўніком Адміністрацыі Прэзідэнта Рэспублікі Беларусь.

З 27 снежня 2014 года^[5] па 18 жніўня 2018 года^[6] быў Прэм’ер-міністрам Рэспублікі Беларусь. Пасля сыходу з дзяржаўнай службы стаў членам савета дырэктараў, старшынёй аўдытарскага камітэта савета дырэктараў у Белгазпрамбанку.

17 лістапада 2020 года прызначаны гендырэктарам «Групы Сібвуглемет» і старшынёй савета дырэктараў кіруючай кампаніі «Холдынг Сібвуглемет»^[7].

Жанаты. Мае дачку і сына.

Узнагароды

• Ордэн Айчыны III ступені (2014)^[8]
• Ордэн Пашаны (2006)^[9]

Зноскі

1. {{https://nashaniva.com/?c=ar&i=79058%7Ctitle=Пяць фактаў пра Андрэя Кабякова|work=Наша Ніва}}
2. УКАЗ ПРЕЗИДЕНТА РЕСПУБЛИКИ БЕЛАРУСЬ 28 декабря 2010 г. № 701 «О назначении А. В. Кобякова»(недаступная спасылка) (руск.)
3. Указ Президента Республики Беларусь от 8 ноября 2011 года № 506 «О назначении А. В. Кобякова» Архівавана 14 чэрвеня 2021. (руск.)
4. Главой администрации президента Белоруссии назначен Андрей Кобяков (руск.)
5. Указ Президента Республики Беларусь от 27 декабря 2014 года № 619 «О назначении А. В. Кобякова»
6. Указ Президента Республики Беларусь от 18 августа 2018 года № 326 «Об А. В. Кобякове»
7. Бывший премьер-министр Республики Беларусь Андрей Кобяков возглавил группу «Сибуглемет» (нявызн.)(недаступная спасылка). Архівавана з першакрыніцы 1 снежня 2020. Праверана 22 снежня 2020.
8. Руководители госорганов Беларуси награждены орденами Почета и Отечества III степени (руск.) (12 студзеня 2014).
9. Указ Прэзідэнта Рэспублікі Беларусь з 1 сакавіка 2006 г. № 136 Аб узнагароджанні работнікаў, якія ўнеслі найбольш значны ўклад у сацыяльна-эканамічнае развіццё рэспублікі ў 2001—2005 гадах, дзяржаўнымі ўзнагародамі Рэспублікі Беларусь, 1/7323 Архівавана 24 верасня 2015.