Зінаіда Іванаўна Сіліня

Зінаіда Іванаўна Сіліня (Дзегцярэнка; нар. 14 лютага 1949, в. Вётхава, Смаргонскі раён, Гродзенская вобласць) — грамадская дзяячка беларускай дыяспары ў Латвіі.

Зінаіда Іванаўна Сіліня
Род дзейнасці	грамадская дзяячка, рэнтгенолаг
Дата нараджэння	14 лютага 1949(1949-02-14) (76 гадоў)
Месца нараджэння	Вётхава, Залескі сельсавет, Смаргонскі раён, Маладзечанская вобласць, Беларуская ССР, СССР
Альма-матар	Віцебскі дзяржаўны медыцынскі ўніверсітэт
Член у	Беларускае культурна-асветніцкае таварыства «Уздым»

У Вікіпедыі ёсць артыкулы пра іншых людзей з прозвішчам Сіліня.

У Вікіпедыі ёсць артыкулы пра іншых людзей з прозвішчам Дзегцярэнка.

Біяграфія

Нарадзілася 14 лютага 1949 года ў в. Вётхава Смаргонскага раёна.

У 1966 годзе з сярэбраным медалём скончыла сярэднюю школу і паступіла ў Віцебскі дзяржаўны медыцынскі інстытут, які скончыла ў 1972 годзе. Працавала ў г. Браславе, актыўна ўдзельнічала ў грамадскай дзейнасці^[1].

З 1978 года жыве ў Даўгаўпілсе (Латвія). Працавала ў чыгуначнай бальніцы, сухотным дыспансеры, іншых медустановах, цяпер — доктар-радыёлаг-дыягност, загадчыца кабінета ў Цэнтральнай паліклініцы Даўгаўпілскай рэгіянальнай бальніцы^[1].

Адна з заснавальніц Беларускага культурна-асветніцкага таварыства «Уздым», уваходзіла ў склад яго праўлення. Размаўляе на беларускай мове, папулярызуе беларускую культуру ў Латвіі^[1].

Актыўна ўдзельнічала ў мастацкай самадзейнасці горада. Нязменна выконвае акапэльна вядомыя беларускія народныя песні на мерапрыемствах «Уздыма» і Цэнтра беларускай культуры. Спявала ў ансамблі «Купалінка»^[1].

Узнагароды

Падзячная грамата ад Генеральнага консульства Рэспублікі Беларусь у Даўгаўпілсе (2019)^[1].