Зінаіда Якаўлеўна Мажэйка

У Вікіпедыі ёсць артыкулы пра іншых людзей з прозвішчам Мажэйка.

Зінаіда Якаўлеўна Мажэйка (6 снежня 1933, Орша — 8 сакавіка 2014) — беларускі этнамузыказнаўца. Доктар мастацтвазнаўства (1992).

Зінаіда Якаўлеўна Мажэйка
Дата нараджэння	6 снежня 1933(1933-12-06)
Месца нараджэння	Орша, Беларуская ССР, СССР
Дата смерці	8 сакавіка 2014(2014-03-08) (80 гадоў)
Месца смерці	Мінск, Беларусь
Грамадзянства	СССР  Беларусь
Род дзейнасці	вучоная, выкладчыца ўніверсітэта, музыказнавец
Навуковая сфера	этнамузыкалогія, фалькларыстыка, аўдыёвізуальная антрапалогія
Месца працы	ІМЭФ НАНБ
Навуковая ступень	доктар мастацтвазнаўства (1992)
Навуковае званне	прафесар
Альма-матар	Беларуская дзяржаўная акадэмія музыкі
Прэміі
Узнагароды

Біяграфія

У 1961 годзе скончыла Беларускую кансерваторыю. 3 1962 года ў Інстытуце мастацтвазнаўства, этнаграфіі і фальклору НАН Беларусі. Працавала ў галіне тэарэтычнай этнамузыкалогіі і практычнай фалькларыстыкі.

Асноўныя даследаванні прысвечаны сістэмнай тыпалогіі беларускага песеннага фальклору, яго арэальным і сацыялагічным аспектах.

Арганізатар музычна-этнаграфічных канцэртаў, падрыхтавала грампласцінкі, у т.л. «Музычны фальклор Беларускага Палесся» (Гран-пры ЮНЕСКА 1988 г.), распрацоўвала праграмы аўдыёвізуальнай антрапалогіі (сцэнарыі 6 музычна-этнаграфічных фільмаў).

Дакументальныя кінафільмы

Дакументальныя музычна-антрапалагічныя кінафільмы па сцэнарыях і палявой рэжысуры Зінаіды Мажэйка:

• «Палескія калядкі» (Беларусьфільм, «Летапіс», 1972)
• «Голоса веков» (Беларусьфільм, «Летапіс», 1979)
• «Память столетий» (Беларусьфільм, «Летапіс», 1982)
• «Крывыя вечары» (Беларусьфільм, «Летапіс», 1993)
• «Рух зямлі» (Беларусьфільм, «Летапіс», 1999)

Асноўныя працы

• Песенная культура Беларускага Палесся (1971)
• Песні беларускага Паазер’я (1981)
• Каляндарна-песенная культура Беларусі: Вопыт сістэмна-тыпалагічнага даследавання (1985)
• Вяселле: Мелодыі (у сааўт., 1990)
• Народна-песенная культура Беларусі ў агульнаславянскім кантэксце: Да пытання параўнальных даследаванняў на ўзроўні песенных сістэм (1998)
• Песні Беларускага Падняпроўя (у сааўт., 1999)
• Экология традиционной народно-музыкальной культуры (2011)

Узнагароды і прэміі

• Ганаровае званне «Заслужаны дзеяч мастацтваў БССР» (1987).
• Дзяржаўная прэмія Рэспублікі Беларусь у галіне літаратуры, мастацтва і архітэктуры (1994, у аўтарскім калектыве) — за стварэнне цыкла музычна-этнаграфічных кінафільмаў (кінастудыя «Беларусьфільм») «Палескiя калядкi», «Галасы вякоў», «Памяць стагоддзяў», «Палескiя вяселлi», «Пранясi, Божа, хмару», «Крывыя вечары».

Літаратура

• Мажэйка Зінаіда Якаўлеўна // Памяць. Орша і Аршанскі раён: гісторыка-дакументальная хроніка гарадоў і раёнаў Беларусі : у 2 кн. / рэдкал.: Г. П. Пашкоў [і інш.]. — Мн., 2000. — Кн. 2. — С. 435.
• Филиал «Институт искусствоведения, этнографии и фольклора имени Кондрата Крапивы» — Список публикаций сотрудников Архівавана 4 ліпеня 2015.
• Мажэйка Зінаіда Якаўлеўна. Да 50-годдзя навуковай і творчай дзейнасці. — Мінск: Тэхналогія, 2013. — 141 с.
• Мажэ́йка Зінаіда Якаўлеўна // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 453—454. — 800 с. — 5 000 экз. — ISBN 985-11-0026-9.

Спасылкі

• Ушла из жизни МАЖЭЙКА Зінаіда Якаўлеўна
• Вянок памяці: Зінаіда Мажэйка
• Ирина Завадская. Аутентичная личность // Беларусь сегодня. 2014. № 175