Казловічы (Клейнікаўскі сельсавет)

У паняцця ёсць і іншыя значэнні, гл. Казловічы.

Казловічы — былая вёска ў складзе Клейнікаўскага сельсавета Брэсцкага раёна Брэсцкай вобласці, за 5 км ад цэнтра Брэста. З 21 снежня 2007 года ўваходзіць у склад Ленінскага раёна горада Брэста як мікрараён Казловічы^[1]. Праз Казловічы цячэ р. Заходні Буг.

Вёска Казловічы Краіна Беларусь Вобласць Брэсцкая Раён Брэсцкі Сельсавет Клейнікаўскі Каардынаты 52°07′ пн. ш. 23°34′ у. д.HGЯO Насельніцтва 285 чал. (1999) СААТА 1212812051 Казловічы на карце Беларусі ±

У складзе камунальнага ўнітарнага сельскагаспадарчага прадпрыемства «Пагранічнік» (цэнтр — в. Клейнікі).

На тэрыторыі мікрараёна размяшчаецца пагранічны пераход «Казловічы», прызначаны для пропуску толькі грузавых аўтамабіляў.^[2]

Гісторыя

У 19 стагоддзі вёска ў Брэсцкім павеце Гродзенскай губерні, уваходзіла ў склад маёнтка Вістычы. Паводле рэвізіі 1858 года ўласнасць П. Ягміна. У 1870 годзе працавала народнае вучылішча. У 1897 годзе ў вёсцы быў хлебазапасны магазін, кузня, 2 ветраныя млыны, карчма.

Паводле Рыжскага мірнага дагавора 1921 года ў складзе Польшчы, у Матыкальскай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну 17 вяскоўцаў загінулі.

У 1944—1954 гадах — цэнтр сельсавета, які ў ліпені 1954 года ператвораны ў Цюхініцкі, а ў верасні 1959 года — у Матыкальскі сельсавет.

Інфраструктура

• Бібліятэка
• Клуб
• Фельчарска-акушэрскі пункт
• Аддзяленне сувязі

Насельніцтва

• 263 сялянскія душы (1858)
• 113 двароў, 665 жыхароў (1876)
• 99 двароў, 604 жыхары (1897)
• 76 двароў, 339 жыхароў (30.9.1921)
• 135 двароў, 430 жыхароў (1940)
• 120 гаспадарак, 278 жыхароў (2005)

Памятныя мясціны

• Сад савецка-польскай дружбы

Зноскі

1. Решение Брестского областного Совета депутатов от 21.12.2007 № 84 «Об изменениях в административно-территориальном устройстве Брестского района»
2. "РПТО "Козловичи"" (нявызн.). Архівавана з першакрыніцы 30 красавіка 2013. Праверана 30 ліпеня 2013.