Казлоўшчынскі сельсавет (Пастаўскі раён)

У паняцця ёсць і іншыя значэнні, гл. Казлоўшчынскі сельсавет.

Казло́ўшчынскі сельсавет — адміністрацыйна-тэрытарыяльная адзінка ў складзе Пастаўскага раёна Віцебскай вобласці Беларусі. Адміністрацыйны цэнтр — вёска Казлоўшчына.

Казлоўшчынскі сельсавет
Краіна	Беларусь
Уваходзіць у	Пастаўскі раён
Уключае	22 населеныя пункты
Адміністрацыйны цэнтр	Казлоўшчына
Дата ўтварэння	12 кастрычніка 1940
Насельніцтва (2019)	832
Часавы пояс	UTC+03:00
Тэлефонны код	+375 2155
Код аўтам. нумароў	2

Гісторыя

Утвораны 12 кастрычніка 1940 года ў складзе Дунілавіцкага раёна Вілейскай вобласці БССР. З 20 верасня 1944 года ў складзе Полацкай вобласці. З 8 студзеня 1954 года ў складзе Маладзечанскай вобласці. 27 сакавіка 1959 года ў склад Ласіцкага сельсавета перададзены 6 населеных пунктаў (Лесуны, Ляхаўшчына, Маштаркі, Рудка, Рэчкаўшчына і Сарокі)^[1]. З 20 студзеня 1960 года сельсавет у складзе Глыбоцкага раёна Віцебскай вобласці. 20 мая 1960 года ў склад Белькаўскага сельсавета перададзены 5 населеных пунктаў (Буда, Масты, Навінкі, Піскуны і Якімаўцы)^[2]. З 25 снежня 1962 года сельсавет у складзе Пастаўскага раёна. 10 красавіка 1965 года ў склад сельсавета з Белькаўскага сельсавета вернута вёска Навінкі^[3]. На 1 студзеня 1974 года ў складзе Казлоўшчынскага сельсавета 22 населеныя пункты^[4]. 7 жніўня 1979 года ў склад сельсавета з Белькаўскага сельсавета перададзены 6 населеных пунктаў (вёскі Буда, Залессе, Куніцкія, Масты, Піскуны і Якімаўцы)^[5]. 25 сакавіка 2022 года скасавана вёска Масты^[6].

Склад

Казлоўшчынскі сельсавет уключае 22 населеныя пункты:

• Асінагарадок — вёска.
• Буда — вёска.
• Верацеі — вёска.
• Вярцінскія — вёска.
• Губино — вёска.
• Заканоўшчына — вёска.
• Кавалі — вёска.
• Казлоўшчына — вёска.
• Куніцкія 1 — вёска.
• Ласіца — вёска.
• Ласькія — вёска.
• Лашукі — вёска.
• Луцк Казлоўскі — вёска.
• Навікі — вёска.
• Навінкі — вёска.
• Парыж — аграгарадок.
• Піскуны — вёска.
• Прусы — вёска.
• Рудае — вёска.
• Шчоткі — вёска.
• Якімаўцы — вёска.
• Яловікі — вёска.

Скасаваныя населеныя пункты на тэрыторыі сельсавета:

• Грынвальды
• Куніцкія 2
• Масты (у 2022 годзе)

Насельніцтва

Насельніцтва сельсавета паводле перапісу 2009 года — 1175 чалавек^[7], з іх 96,7 % — беларусы, 1,6 % — рускія, 0,9 % — палякі^[8]; паводле перапісу 2019 года — 832 чалавекі^[9].

Архіў

Архіўныя дакументы Казлоўшчынскага сельсавета захоўваюцца ў Занальным дзяржаўным архіве горада Глыбокага^[10]. Архіў, які ахоплівае 1948—2011 гг., складаецца з пратаколаў сельвыканкамаў, статыстычных справаздач, пратаколаў агульных сходаў грамадзян, бюджэтаў, гаспадарчых кніг, спісаў па розным катэгорыям насельніцтва і інш.
Памер архіва — 1200 старонак.
Шыфр архіва — BY ЗГАГлб ф. 1527.