Казіміраўка (Магілёў)

У паняцця ёсць і іншыя значэнні, гл. Казіміраўка.

Казімі́раўка^[1] (трансліт.: Kazimiraŭka, руск.: Казимировка) — былая вёска ў Магілёўскім раёне Магілёўскай вобласці. Уваходзіла ў склад Пашкаўскага сельсавета. Большая частка з 1978 года ў складзе Магілёва, астатняя далучана ў 2007 годзе. Размешчана ў Ленінскім раёне, на паўночна-заходняй ускраіне горада.

Вёска Казіміраўка Краіна Беларусь Вобласць Магілёўская Раён Магілёўскі Сельсавет Пашкаўскі Каардынаты 53°55′32″ пн. ш. 30°15′13″ у. д.HGЯO СААТА 7244840043 Казіміраўка на карце Беларусі ±

Казіміраўка на Вікісховішчы

Артыкул пра былую вёску. Пра жылы раён гл. Казіміраўка (жылы раён).

Гісторыя

Да 1924 года ўваходзіла ў склад Княжыцкай воласці Магілёўскага павета, з 1924 года ў Пашкаўскім сельсавеце Магілёўскага раёна.

Да 22 ліпеня 1960 года вёска ўваходзіла ў склад Цішоўскага сельсавета^[2].

31 мая 1978^[3] года большая частка вёскі ўвайшла ў склад Ленінскага раёна Магілёва^[4].

У 2007 годзе ў вёсцы 8 гаспадарак, 24 жыхары^[5]. 15 кастрычніка 2007 года астатняя частка вёска ўвайшла ў склад Ленінскага раёна Магілёва^[6]

Забудова

Галоўныя вуліцы Авіятараў, Аграрная, Каліноўскага, Карасёва, Качанава, Чырваназорная, Раўчакова, участак Мінскай шашы і інш. У пачатку 1990-х гадоў тут размяшчаліся прамысловыя прадпрыемства, будаўнічныя і гаспадарчыя арганізацыі (перасоўныя механізаваныя калоны рэм-будтрэста і трэста «Сельспецмантаж», міжкалгаснае будаўнічае аб’яднанне «Міжкалгасбуд», ўпраўленні механізацыі «Аблміжкалгасбуда» і «Водаканал» і інш.), жылыя дамы, сярэдняя школа, дзіцячыя сады і яслі, магазіны. Раён інтэнсіўна забудоўваўся і добраўпарадкоўваўся^[4].

Славутасці

За 100 м ад Мінскай шашы помнік воінам-землякам^[4].

Вядомыя асобы

• Пелагея Максімаўна Аўсеенка (1915-?) — Герой Сацыялістычнай Працы.