Кай

Кай (індан.: Kei) — архіпелаг на захадзе Ціхага акіяна. Уваходзіць у склад інданезійскай правінцыі Малуку. Плошча — 1438 км².

Кай
індан. Kei
Фота 1980 г.
Характарыстыкі
Колькасць астравоў	77
Найбуйнейшы востраў	Кай-Бесар
Агульная плошча	1 438 км²
Размяшчэнне
5°45′00″ пд. ш. 132°43′47″ у. д.HGЯO
Акваторыя	Ціхі акіян
Краіна	Інданезія
Кай
Медыяфайлы на Вікісховішчы

Геаграфія

Архіпелаг Кай месціцца на мяжы Арафурскага мора і мора Банда. Усяго налічвае 77 астравоў, аднак населены толькі 13. Найбуйнейшы востраў Кай-Бесар займае плошчу каля 550 км².

Архіпелаг мае складаную геалагічную пабудову. Аснова буйных астравоў складаецца з метамарфічных горных парод. Назіраюцца шырокія пласты мергелю і гліны. Для ўзбярэжжаў і малых астравоў характэрны вапняковыя глебы каралавага паходжання. Астравы знакаміты сваімі белымі пляжамі. Архіпелаг знаходзіцца ў зоне частых землятрусаў.

Клімат трапічны вільготны. Сярэдняя тэмпература на працягу года вагаецца ад +23°C да +31°C. Найбольш вільготны месяц — студзень, калі колькасць ападкаў дасягае 373 мм.

Спасылкі

• На Вікісховішчы ёсць медыяфайлы па тэме Кай
• Indonesia: The Kai Islands (Kei Islands)
• The Kei Islands: Perfect Paradise?
• BAB I PENDAHULUAN Архівавана 29 сакавіка 2017.