Каларада (рака)

У паняцця ёсць і іншыя значэнні, гл. Каларада (значэнні).

Каларада (англ.: Colorado River, ісп.: Río Colorado) — рака ў ЗША і Мексіцы. Даўжыня 2330 км (з прытокам Грын-Рывер 3200 км). Плошча дэльты 100 тыс. км². Вадазбор 635 тыс. км². Сярэднегадавы расход вады ў вусці 0,508 тыс. м³/сек. Пачынаецца ў Перадавым хрыбце Скалістых гор, цячэ пераважна па пустынных і паўпустынных раёнах. Пры перасячэнні плато Каларада ўтварае глыбокія каньёны агульнай даўжынёй каля 800 км (у тым ліку Гранд-Каньён). Упадае ў Каліфарнійскі заліў Ціхага акіяна. Прытокі: Грын-Рывер (справа), Сан-Хуан, Літл-Каларада, Хіла (злева). Жыўленне снегавое, разводдзе з красавіка па ліпень. На Каларада пабудаваны плаціны Глен-Каньён-Дам і Гувер (Боўлдэр-Дам), буйныя вадасховішчы — азёры Паўэл і Мід. Суднаходная на 228 км ад вусця.

Каларада
англ. Colorado River
Характарыстыка
Даўжыня	2330 км
Басейн	629 100 км²
Расход вады	1 206 м³/с
Вадацёк
Выток	La Poudre Pass[d]
• Вышыня	~2800 м
• Каардынаты	40°28′20″ пн. ш. 105°49′34″ з. д.HGЯO
Вусце	Каліфарнійскі заліў
• Каардынаты	31°48′54″ пн. ш. 114°48′00″ з. д.HGЯO
Размяшчэнне
Водная сістэма	Каліфарнійскі заліў
Краіна	ЗША  Мексіка
— выток, — вусце
Медыяфайлы на Вікісховішчы

Галерэя

• 
  Рака Каларада ў Гранд-Каньёне.
• 
  Рака Каларада ў Арызоне, ЗША.
• 
  Рака Каларада ў Нідлс.
• 
  Выгіб ракі Каларада.