Кальварыйскія могілкі (Барысаў)

Кальварыйскія могілкі, або Кальварыя^[1] — каталіцкія могілкі горада Барысава, размешчаныя ў вёсцы Вуглы, на паўночны ўсход ад горада.

Кальварыйскія могілкі
54°15′16″ пн. ш. 28°33′59″ у. д.HGЯO
Размяшчэнне
Краіна	Беларусь
Вобласць	Мінская вобласць
Раён	Барысаўскі раён
Месцазнаходжанне	Вуглы
Гісторыя
Дата заснавання	XIX стагоддзе
Медыяфайлы на Вікісховішчы

У паняцця ёсць і іншыя значэнні, гл. Кальварыйскія могілкі (значэнні).

Гісторыя

Драўляная капліца ў 1940-я гады

Класіцыстычная каплічка

Надмагільны помнік

Могілкі былі заснаваны ў пачатку XIX стагоддзя, калі побач з каталіцкай капліцай пачалі хаваць нябожчыкаў.

У XIX стагоддзі на могілках узведзена цагляная капліца ў стылі класіцызму^[2].

У пачатку XX стагоддзя на месцы старой была пабудавана новая драўляная капліца^[3][4]. Паводле мясцовай легенды, яна ўзведзена панам на месцы, дзе яго сляпая дачка ўбачыла постаць Езуса^[5].

Капліцу з бакоў атачалі 4 каплічкі, у якіх знаходзіліся постаці евангелістаў. Акрамя гэтага, на могілках стаялі яшчэ 12 капліцаў са стацыямі Крыжовага Шляху^[6].

Пасля закрыцця касцёла Нараджэння Найсвяцейшай Дзевы Марыі ў капліцы на могілках знаходзіўся цэнтр барысаўскай каталіцкай парафіі^[6]. Капліца была знішчана ў 1950-я гады^[2], паводле іншых звестак была разабраная ноччу вайскоўцамі ў 1961 годзе^[5].

У 1995 годзе на месцы старой капліцы пабудавана новая з цэглы.

Вядомыя асобы, пахаваныя на могілках

• Віктар Шутовіч (1890—1960) — беларускі каталіцкі святар, публіцыст.

Зноскі

1. Расклад набажэнстваў на могілках Барысаўскага дэканату
2. Капліца // Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — С. 30. — 488 с. — ISBN 978-985-11-0395-5.
3. Żyskar J. Nasze kościoły. Djecezja Mińska. Warszawa, 1912. S. 206.
4. Капліца // Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — С. 386. — 488 с. — ISBN 978-985-11-0395-5.
5. Памяць пра Віктара Шутовіча жыве ў Барысаве
6. Каталіцкія святыні : Мінска-Магілеўс. архідыяцэзія. Ч. 1. Будслаўскі, Вілейскі і Мінскі дэканаты / Тэкст і фота Яроменкі А.; Уводз. Трацэўскага У.. — Мн.: Про Хрысто, 2003. — 255 с. — ISBN 985-6628-38-5, 985-6628-37-7. — С. 135