Евангелічныя могілкі (Вільня)

Евангелічныя могілкі — колішнія могілкі ў Вільні, які размяшчаліся на Боўфалавай гары ў раёне Пагулянкі.

Евангелічныя могілкі
польск. Cmentarz ewangelicki w Wilnie
Капліца-пахавальня Нішкоўскіх
54°41′02″ пн. ш. 25°16′08″ у. д.HGЯO
Размяшчэнне
Краіна	Літва
Месцазнаходжанне	Вільня
Гісторыя
Дата заснавання	1800-я
Дата закрыцця	1956
Дата ліквідацыі	1950-я
Медыяфайлы на Вікісховішчы

Могілкі былі закладзены паводле планаў віленскага садоўніка Вебера. Спачатку гэта былі лютэранскія могілкі, але з 1830 г. тут адбываліся і пахаванні кальвіністаў.

У 1819 годзе паводле праекта Каралем Шыльдгаўзенам была пабудавана могілкавая капліца (не зберглася).

Могілкі пацярпелі ў час ваенных дзеянняў. У 1956 годзе могілкі закрыты, некаторыя надмагіллі былі перавезены на могілкі на Росе і ў Салтанішках. У 1960 годзе была знесена могілкавая капліца і на гэтай тэрыторыі створаны гарадскі парк, а ў 1974 годзе пабудаваны Палац шлюбаў^[1].

На былых могілках захаваўся толькі класіцыстычны маўзалей роду Нішкоўскіх (архітэктар Караль Падчашынскі), які цяпер выкарыстоўваецца я сувенірны кіёск. У гэтым маўзалеі быў пахаваны Ян Фрыдэрык Нішкоўскі (1774—1816), прафесар хірургіі Віленскага ўніверсітэта^[1].

Вядомыя асобы, пахаваныя на могілках

Магіла Ваўжынца Путкамера на Евангелічных могілках. Малюнак Уладзіслава Загорскага, 1925

• Баляслаў Богуш-Сестранцэвіч (1868—1940) — польскі военачальнік, брыгадны генерал Войска Польскага.
• Станіслаў Богуш-Сестранцэвіч (1869—1927) — графік і жывапісец.
• Мацей Ворбэк-Летаў (1593—1663) — прыдворны лекар караля Уладзіслава IV Вазы.
• Аляксандр Заштаўт (1877—1944) — польскі палітычны дзеяч.
• Шыман Канарскі (1808—1839) — дзеяч нацыянальна-вызваленчага руху ў Польшчы, Літве і на Беларусі.
• Ян Фрыдэрык Нішкоўскі — прафесар хірургіі Віленскага ўніверсітэта,
• Караль дэ Пертэс (1740—1815) — выдатны ваенны картограф XVIII стагоддзя, энтамолаг.
• Ваўжынец Путкамер (1794—1850) — землеўласнік, грамадскі дзеяч, маршалак шляхты Лідскага павета.
• Міхал Юзаф Ястрэмбскі^[pl] (1859—1938) — суперінтэндант Віленскага евангелічна-рэфармацкага Сінода (1902—1938).
• Францішак Аляхновіч (1883—1944) — беларускі драматург, тэатральны дзеяч, публіцыст, празаік.

Галерэя

• 
  Евангелічныя могілкі. Я. Булгак, 1914-1937
• 
  Евангелічныя могілкі. 1910-я
• 
  Евангелічныя могілкі. Я. Булгак, 1914-1937
• 
  Евангелічныя могілкі. Я. Булгак, 1915-1920
• 
  Евангелічныя могілкі. Я. Булгак, 1919
• 
  Евангелічныя могілкі. Я. Булгак, 1919
• 
  Евангелічныя могілкі. Я. Булгак, 1919
• 
  Евангелічныя могілкі. Я. Булгак, 1919