Каліфарнійскі ўніверсітэт

Каліфарнійскі ўніверсітэт (англ.: The University of California), UC — аб'яднанне 10 публічных каліфарнійскіх універсітэтаў. Статус «публічны» азначае, што сістэма атрымлівае фінансаванне з шэрагу крыніц, уключаючы бюджэт штата Каліфорнія (каля траціны ўсяго фінансавання), і кіруецца Саветам рэгентаў Каліфарнійскага ўніверсітэта (англ.: The Regents of the University of California), які прызначаецца губернатарам штата.

Каліфарнійскі ўніверсітэт
Па-англійску	University of California
Дэвіз	лац.: Fiat Lux англ.: Let there be light руск.: Ды будзе святло
Заснаваны ў	1868
Тып	Універсітэт штата
Мэтавы фонд	$ 8,8 млрд.[1]
Прэзідэнт	Марк Юдаф
Месца размяшчэння	Окленд, Каліфорнія, ЗША 37°48′08″ пн. ш. 122°16′17″ з. д.HGЯO
Кампус	10 кампусаў
Бакалаўраў	159 000
Выкладчыкаў	13 335
Афіцыйны сайт	www.universityofcalifornia.edu

Усяго ў сістэме ўніверсітэтаў Каліфорніі навучаецца больш 191 000 студэнтаў. Найстарэйшым і адным з самых прэстыжных у сістэме ўніверсітэтаў Каліфорніі з'яўляецца Каліфарнійскі ўніверсітэт у Берклі, заснаваны ў 1868 годзе.

Структура ўніверсітэта

• Каліфарнійскі ўніверсітэт у Бельмонце (Belmont), IOU
• Каліфарнійскі ўніверсітэт у Берклі (Berkeley) — галоўны кампус
  • Школа бізнесу Хааза (Haas School of Business)
  • Інстытут бізнесу і эканамічных даследаванняў
• Каліфарнійскі ўніверсітэт у Дэвісе (Davis), UC Davis
• Каліфарнійскі ўніверсітэт у Ірвайне (Irvine), UCI
• Каліфарнійскі ўніверсітэт у Лос-Анджэлесе (Los Angeles), UCLA
• Каліфарнійскі ўніверсітэт у Мерседзе (Merced)
• Каліфарнійскі ўніверсітэт у Рыверсайдзе (Riverside)
• Каліфарнійскі ўніверсітэт у Сан-Дыега (San Diego), UCSD
• Каліфарнійскі ўніверсітэт у Сан-Францыска (San Francisco)
• Каліфарнійскі ўніверсітэт у Санта-Барбары (Santa Barbara), UCSB
• Каліфарнійскі ўніверсітэт у Санта-Крузе (Santa Cruz)

а таксама

• Каледж права Хейстынгса (Hastings College of the Law)
• Абсерваторыя Ліка (Lick Observatory)
• Інстытут акіянаграфіі Скрыпса (Scripps Institution of Oceanography)

Даследчыя цэнтры

Каліфарнійскі ўніверсітэт кіруе шэрагам даследчых цэнтраў (нацыянальныя лабараторыі) Міністэрства энергетыкі ЗША. На 2006 год пад кіраваннем універсітэта знаходзіліся Ліверморская нацыянальная лабараторыя і Нацыянальная лабараторыя імя Лоўрэнса ў Берклі. Раней універсітэт таксама кіраваў Нацыянальнай лабараторыяй Сандзія  (англ.) і Лос-Аламоскай нацыянальнай лабараторыяй.

Гл. таксама

• Спіс універсітэтаў штата Каліфорнія

Зноскі

1. Annual Endowment Report (англ.)(недаступная спасылка). Архівавана з першакрыніцы 22 сакавіка 2003. Праверана 8 верасня 2011.