Камагуэй (горад)

Камагуэй (ісп.: Camagüey) — горад і муніцыпалітэт у цэнтральнай частцы Кубы^[1], адміністрацыйны цэнтр правінцыі Камагуэй^[2][3]. Трэці па велічыні горад краіны.

Горад
Камагуэй
ісп.: Camagüey
Герб
21°19′14,91″ пн. ш. 77°52′25,79″ з. д.HGЯO
Краіна	Куба
Гісторыя і геаграфія
Заснаваны	1514
Вышыня цэнтра	5 м
Часавы пояс	EDT[d]
Насельніцтва
Насельніцтва	▼321 992 чал. (2011)
Афіцыйная мова	іспанская
Лічбавыя ідэнтыфікатары
Тэлефонны код	322
Паштовы індэкс	70100
camaguey.cu
Паказаць/схаваць карты
Камагуэй (горад)
Медыяфайлы на Вікісховішчы

Гісторыя

Архітэктурныя помнікі каланіяльнага перыяду.

Пасля амаль бесперапынных нападаў піратаў першапачатковы горад (заснаваны Дыега Веласкесам як Пуэрта-Прынсіпе (Санта-Марыя-дэ-Пуэрта-дэль-Прынсіпе) 31 студзеня 1514 года^[4] на паўночным узбярэжжы) быў перамешчаны ўглыб вострава ў 1528 годзе і тады ж змяніў назву на Камагуэй.

У перыяд з 1921 па 1926 гады пад кіраўніцтвам інжынераў Armando Pradas de la Torre і Benito Antonio Rodríguez былі перабудаваны каля 18 кіламетраў дарог, была створана падземная каналізацыя, у тым ліку ліўневая, устаноўлены дажджапрыёмнікі. Дарогі былі выбрукаваны брусчаткай, імпартаванай з Нарвегіі. Работы выконваліся пераважна без перапынку трамвайнага руху^[5].

Будаўніцтва ў 1930-я гады Цэнтральнай шашы (якая прайшоў праз Камагуэй)^[2] спрыяла развіццю горада.

З 1959 года тут выходзіць правінцыйная газета «Adelante»^[6].

У 1970 годзе насельніцтва складала 197 тыс. жыхароў, горад з’яўляўся важным гандлёва-эканамічным цэнтрам, тут дзейнічалі прадпрыемствы харчовай, тэкстыльнай, хімічнай прамысловасці і сельскагаспадарчага машынабудавання^[2].

У 1987 годзе насельніцтва складала 266 тысяч чалавек, асновай эканомікі ў гэты час былі хімічная прамысловасць, машынабудаванне, тэкстыльная прамысловасць і харчасмакавая прамысловасць^[3].

Сучасны стан

У горадзе захаваны помнікі архітэктуры каланіяльнага перыяду^[6][2] (сабор, цэрквы), музей Ігнасіа Аграмонтэ (Былая Зброевая плошча каланіяльнай эпохі), плошча Сан-Хуан-дэ-Д’ос, плошча Трабахадорэс, плошча Соледад.

Стадыён імя Ідэльё^[6]. Курорт Санта-Луцыя ў 120 км ад горада. Самы вялікі парк Кубы — Касіна Кампестрэ.

Транспарт

• транспартны вузел (чыгункі і аўтамабільных дарог)^[1]. Тут знаходзяцца станцыя і дэпо Кубінскай чыгункі^[7]. У горадзе таксама размешчаны Міжнародны аэрапорт імя Ігнасіа Аграмонтэ.
• У першай палове 20 стагоддзя дзейнічаў трамвай.

Адукацыя

• Універсітэт Камагуэя^[6][3].

Гарады-пабрацімы

•  Мадысан, ЗША
•  Мерыда, Мексіка
•  Мерыда^[d], Мексіка