Камяніца (фестываль)

Камяніца — беларускі музычны фестываль. Праводзіцца з 2009 года.

Пра фэст

Першы каардынатар фестывалю Сяргей Чагрынец^[1], потым яго функцыі ўзяў на сябе Алег Пашэк^[2].

Фестываль з’яўляецца дабрачынным: усе выручаныя сродкі ідуць на патрэбы музея, у якім праходзіць фестываль.

Месца правядзення фестывалю

«Беларускі дзяржаўны музей народнай архітэктуры і побыту». (пас. Азярцо, Мінскі раён, Беларусь.) На тэрыторыі музея сабраная калекцыя аўтэнтычнай беларускай драўлянай архітэктуры 18-20 стагоддзяў^[3].

Гісторыя

2009

У 2009 годзе фестываль прайшоў 12 верасня.

• Удзельнікі: Гаротніца, Келіх Кола, Джамбібум, Нагуаль.
• Хэдлайнеры фэсту: Стары Ольса і KRIWI.
• Вядучы: Алег Хаменка

2010

У 2010 годзе фестываль праходзіў 4 верасня.

• Удзельнікі: Guda, Рокаш, этна-трыа Троіца, Палац, Бифолк, Akana, Бан-Жвірба, Маланка-аркестр.
• Хэдлайнеры фэсту: Лявон Вольскі
• Вядучы: Алег Хаменка

2011

Трэці фестываль «Камяніца» прайшоў 3 верасня 2011. На фестываль прыехала некалькі тысяч гледачоў.

• Удзельнікі: Этна-трыа Троіца, Стары Ольса, Osimira, Аляксандра і Канстанцін, Ветах, Госціца, Хоха Бэнд.
• Спецыяльны госць: Алег Скрыпка (Украіна)
• Вядучы: Алег Хаменка

2012

Чацвёрты фолк-фэст «Камяніца» прайшоў 15 верасня 2012. На фэсце было дзве сцэны: Галоўная сцэна і Сцэна аматарскіх калектываў.

• Удзельнікі: Irdorath, Іван Купала (Расія), Re1ikt, FolkRoll і Наста Някрасава, Ліцвіны, Vuraj, Pawa, Гаротніца, Silver Sky.
• Вядучы: Алег Хаменка

2013

Пяты фестываль «Камяніца» адбыўся 7 верасня 2013 года. Упершыню на фестывалі выступілі музыкі з чатырох краін — Беларусі, Украіны, Расіі і Польшчы.

• Удзельнікі: ДахаБраха (Украіна), Стары Ольса, Guda, Hvarna (Беларусь/Расія), Палац, Orkiestra św. Mikołaja (Польшча), Фолькнери (Украіна).
• Вядучы: Алег Хаменка

2014

Шосты фестываль «Камяніца» адбыўся 6 верасня 2014 года. Выступы праходзілі на двух сцэнах. У фестывалі прынялі ўдзел музыкі з пяці краін — Беларусі, Украіны, Расіі, Польшчы і Чэхіі.

• Удзельнікі (галоўная сцэна): Šuma, Алег Скрыпка (Украіна), этна-трыа Троіца, Караліна Ціха і Бартэк Палыга (Польшча), Ahmed má hlad (Чэхія), Kriwi, Бандурбэнд (Украіна), Яварына, Re1ikt, Отава Ё (Расія).
• Вядучы: Алег Хаменка

2015

Сёмы фестываль «Камяніца» адбыўся 5 верасня 2015 года.^[4]

• Удзельнікі (галоўная сцэна): Альтанка, Стары Ольса, Vuraj, Dzikie Jabłka (Польшча), Ягорава Гара, ДримбаДаДзиґа (Украіна), Trad Attack! (Эстонія), Znich.
• Вядучыя: галоўная сцэна — Ілля Маліноўскі, малая сцэна — Марына Шукюрава.

2016

Восьмы фолк-фэст «Камяніца» прайшоў 10 верасня 2016 года.^[5]

• Удзельнікі (галоўная сцэна): Этна-трыа Троіца, Re1ikt, TaRuta (Украіна), Ветах, Іна Жаланная (Расія), Оле Лукойе (Расія), Паліна Рэспубліка.
• Вядучы: Алег Хаменка

2017

Дзявяты фолк-фэст «Камяніца» прайшоў 16 верасня 2017 года. З-за тэхнічных праблем музычная частка пачалася са спазненнем і ў выніку быў адменены выступ аднаго з хэдлайнераў — праекта Šuma.

• Удзельнікі (галоўная сцэна): Theodor Bastard (Расія), Onuka (Украіна), The Doox (Украіна), Shaman Jungle, Варган, Нагуаль.
• Вядучы: Алег Хаменка

Гл. таксама

• Беларускі Дзяржаўны музей народнай архітэктуры і побыту Архівавана 10 лютага 2017.