Каміль Лотак

Камі́ль Ло́так (чэшск.: Kamil Lhoták; 25 ліпеня 1912, Прага, Чэхаславакія — 22 кастрычніка 1990, Прага, Чэхаславакія) — чэшскі мастак, кніжны ілюстратар і графік.

Каміль Лотак
чэшск.: Kamil Lhoták
Фатаграфія
Дата нараджэння	25 ліпеня 1912(1912-07-25)
Месца нараджэння	Прага, Чэхаславакія
Дата смерці	22 кастрычніка 1990(1990-10-22) (78 гадоў)
Месца смерці	Прага, Чэхаславакія
Грамадзянства	Чэхаславакія
Бацька	Kamil Josef Lhoták[d][1][2]
Род дзейнасці	графічны дызайнер, пісьменнік, мастак, дызайнер паштовых марак, ілюстратар, графік, дзеяч выяўленчага мастацтва
Жанр	графіка, ілюстрацыя
Вучоба	юрыдычны факультэт Карлава ўніверсітэта[d][3]
Узнагароды
Подпіс
Медыяфайлы на Вікісховішчы

Біяграфія

У 1923 годзе Каміль Лотак паступае гімназію імя Алаіса Ірасека ў Празе, пасля заканчэння якой, нягледзячы на жаданне працягнуць навучанне ў Акадэміі мастацтваў, па патрабаванні дзеда па бацьку ідзе на юрыдычны факультэт. Тым не менш, малады студэнт працягвае займацца маляваннем; вялікае значэнне на фармаванне Лотака як мастака аказала творчасць такіх майстроў, як Ханс Арп, Альберта Джакамеці, Макс Эрнст, Паўль Клее, Іозеф Шыма і іншых прадстаўнікоў авангарднага мастацтва.

У 1938 годзе Каміль спалучаецца шлюбам з дзяўчынай-яўрэйкай Герце Гутавай, і на наступны год арганізуецца першая персанальная выстаўка Каміля Лотака ў галерэі «Бофор». У 1940 годзе Лотак становіцца членам таварыства «Гутарка мастакоў». У гады вайны мастак стварае сотні работ, ён — адзін з заснавальнікаў «Групы 42», першая выстаўка якой адбылася ў 1943 годзе.

У 1954 годзе мастак пачынае працаваць разам з пісьменнікам Адольфам Бранальдам. Сумесна яны ствараюць кнігу-альбом «Dědeček automobil» (Дзядуля-аўтамабіль). Ілюстрацыі ў ёй былі Каміля Лотака. На наступны год яны працуюць над выпускам фільма па гэтай кнізе. У 1960-я гады Лотак ажаніўся з мадэллю Ганнай Эндрштовай. 1960—1970-я гады былі часам актыўнай мастацкай творчасці Лотака. Ён стварае карціны і ілюструе кнігі, удзельнічае ў розных выставах. У гэты перыяд у працах яго адчуваецца ўплыў мадэрнізму і оп-арту, у асаблівасці Роя Ліхтэнштэйна.

Каміль Лотак працягваў пісаць карціны аж да глыбокай старасці. Яго апошняе палатно, «Meteor padá do moře» (Метэор, які падае ў мора) датуецца 1990-м, годам смерці майстра.

Выбраныя выставы

• 1967 — Дом чэхаславацкай культуры, Берлін
• 1969 — Галерэя Малерштрасэ, Вена
• 1977 — Галерэя Кніга, Прага
• 1980 — Дом мастака, Злін
• 1986 — Гарадская галерэя Прагі, Прага
• 1987 — Ратуша Старога горада, Прага.

Галерэя

• Графіка Каміля Лотака

Зноскі

1. Archiv hl. m. Prahy, Matrika oddaných fary Vršovice, sign. VRŠ O13b, s. 196 — Т. VRŠ O13b. — С. 196.

   <a href='https://wikidata.org/wiki/Track:Q105319160'></a>
2. Archiv hl. m. Prahy, Matrika narozených fary Bubeneč, sign. BBČ N33, s. 34 — Т. BBČ N33. — С. 34.

   <a href='https://wikidata.org/wiki/Track:Q105319160'></a>
3. Studenti pražských univerzit 1882–1945

   <a href='https://wikidata.org/wiki/Track:Q102399391'></a>