Кунаса (канал)

У паняцця ёсць і іншыя значэнні, гл. Кунаса.

Ку́наса, Кунаска — меліярацыйны канал у Нясвіжскім і Стаўбцоўскім раёнах Мінскай вобласці Беларусі, правы прыток ракі Гавязнянка (басейн Нёмана).

Кунаса
Характарыстыка
Даўжыня	11 км
Вадацёк
Выток
• Каардынаты	53°17′14″ пн. ш. 26°44′37″ у. д.HGЯO
Вусце	Гавязнянка
• Вышыня	155,6 м
• Каардынаты	53°21′41″ пн. ш. 26°47′59″ у. д.HGЯO
Размяшчэнне
Водная сістэма	Гавязнянка → Нёман → Балтыйскае мора
Краіна	Беларусь
Рэгіён	Мінская вобласць
Раён	Стаўбцоўскі раён
выток вусце
— выток, — вусце

Назва

Кунаса на карце другой паловы XIX ст.

Назва Кунаса балцкага паходжання. Ад літоўскага kunė «балота, твань», ад якога таксама рачная назва Кунава (на Верхнім Павоччы)^[1], літоўскія гідронімы тыпу Kuna, Kun-upis^[2].

Корань пашыраны гідранімічным пашыральнікам тыпу -es-, які таксама ў такіх балцкіх гідронімах на Верхнім Падняпроўі і Верхнім Падзвінні, як Akesà (> Ачоса), Vilkesà (> Воўчас, Аўчоса), Velesà (Веляса^[ru])^[3][4]. Ён шырока прысутны ў літоўскім назва- і словаўтварэнні: žalias «зялёны» — žalesà «зеляніна; зяленіва», rudas «руды» — Rudesa «Рудая (рака)»^[5][6].

Назва значыць «Балацінная (рака)».

Гідраграфія

Даўжыня канала 11 км^[7]. Пачынаецца за 2 км на паўднёвы захад ад вёскі Андрушы, упадае ў Гавязнянку на заходняй ускраіне вёскі Пагарэлае. Каля вёсак Кунаса і Суднікі створаны сажалкі. Асноўны прыток — ручай Жыгалка (злева).