Канклаў (фільм, 2024)

У паняцця ёсць і іншыя значэнні, гл. Канклаў (значэнні).

«Канклаў» (англ.: Conclave) — англа-амерыканскі кінафільм 2024 года ў жанры дэтэктыўнага трылера, зрэжысіраваны Эдвардам Бергерам. Экранізацыя аднайменнага рамана Роберта Харыса.

Канклаў
англ.: Conclave
Жанры	трылер[d][1][2][…], драматычны фільм[3][4][…] і фільм-містэрыя[d][3]
Рэжысёр	Эдвард Бергер[d][1]
Прадзюсары	Тэса Рос[d] Роберт Харыс Juliette Howell[d] Michael A. Jackman[d]
На аснове	Conclave[d]
Сцэнарыст	Пітэр Строхан[d][1]
У галоўных ролях	Рэйф Файнс[1] Джон Літгау[1] Стэнлі Тучы[d][1] Ізабела Раселіні[1] Lucian Msamati[d][1] Brían F. O'Byrne[d][1] Sergio Castellitto[d][1] Carlos Diehz[d][1]
Аператар	Стэфан Фантэн[d]
Кампазітар	Гаўшка[d]
Кінакампаніі	House Productions[d][5], FilmNation Entertainment[d][5] і Indian Paintbrush[d][6]
Бюджэт	20 000 000 $
Краіны	Вялікабрытанія[1][7][…]  ЗША[5][7][…]
Мова	англійская[8]
Год	30 жніўня 2024[9][10]
IMDb	ID 20215234
Медыяфайлы на Вікісховішчы

Галоўныя ролі выканалі Рэйф Файнс, Стэнлі Тучы і Джон Літгау. Сусветная прэм’ера фільма адбылася 30 жніўня 2024 года на кінафестывалі ў Тэльюрайдзе, дзе крытыкі ўспрынялі яго вельмі высока, вылучыўшы «ролю ўсяго жыцця» Рэйфа Файнcа^[11].

Фільм быў назван адным з дзесяці найлепшых фільмаў 2024 года Нацыянальным саветам кінакрытыкаў і Амерыканскім інстытутам кінамастацтва^[12]. Акрамя іншых узнагарод, ён атрымаў шэсць намінацый на прэмію «Залаты глобус» і выйграў у намінацыі «Найлепшы сцэнарый».

Сюжэт

Дзеянне фільма адбываецца на працягу 72 гадзін у Ватыкане. Папа Рымскі раптоўна памірае. Духавенства ў смутку і разгубленасці, але жыццё павінна працягвацца — надыходзіць час склікаць канклаў і абраць новага пантыфіка. Клопат пра арганізацыю канклава кладзецца на плечы кардынала Лоўрэнса. Маючы пэўныя сумненні адносна веры – сумненні не ў Богу, але ў касцельнай арганізацыі, – Лоўрэнс незадоўга да смерці Папы прасіў у яго дазволу пакінуць сваю пасаду, але Папа адмовіў. Паступова кардынал пачынае разумець, што гэта было абдуманае і прадбачлівае рашэнне Святога Айца, які адчуваў, што хутка памрэ, і хацеў, каб канклаў узначаліў менавіта ён^[13].