Канстанцін Ільіч Дамарад

У Вікіпедыі ёсць артыкулы пра іншых людзей з прозвішчам Дамарад.

Канстанцін Ільіч Дамарад (7 лістапада 1918, в. Языль, Бабруйскі павет, Мінская губерня, цяпер Старадарожскі раён — 11 кастрычніка 2001) — беларускі гісторык.

Канстанцін Ільіч Дамарад
Дата нараджэння	7 лістапада 1918(1918-11-07)
Месца нараджэння	Языль, Бабруйскі павет, Мінская губерня
Дата смерці	11 кастрычніка 2001(2001-10-11) (82 гады)
Грамадзянства	СССР  Беларусь
Род дзейнасці	навуковец
Навуковая сфера	гісторыя Беларусі перыяду Другой сусветнай вайны
Месца працы	Мінскі аблвыканкам, Мінскі радыётэхнічны інстытут, Інстытут гісторыі партыі пры ЦК КПБ, Інстытута гісторыі АН Беларусі
Навуковая ступень	кандыдат гістарычных навук
Альма-матар	Беларускі дзяржаўны ўніверсітэт імя У. І. Леніна
Узнагароды	Медаль «За доблесную працу ў Вялікай Айчыннай вайне 1941-1945 гг.»

Скончыў Беларускі дзяржаўны ўніверсітэт імя У. І. Леніна (1949 г.). Кандыдат гістарычных навук (1955 г.). Тэма дысертацыі: «Борьба Компартии за коллективизацию сельского хозяйства западных областей Белоруссии накануне Великой Отечественной войны (сентябрь 1939 — июнь 1941 гг.)».

У перыяд Другой сусветнай вайны ў 1941—1943 гг. у органах ваеннай разведкі і контрразведкі Заходняга фронту. З жніўня 1943 г. у складзе аператыўнай групы ЦК КП(б)Б у тыле ворага, намеснік камандзіра Барысаўска-Бягомльскага партызанскага злучэння, адначасова кіраўнік спецгрупы НКДБ БССР «Жнівень».

У 1944—1946 гг. намеснік старшыні Мінскага аблвыканкома.

У 1956—1975 гг. дацэнт ЮПІ, Мінскага радыётэхнічнага інстытута.

У 1975—1992 гг. старшы навуковы супрацоўнік Інстытута гісторыі партыі пры ЦК КПБ, Інстытута гісторыі АН Беларусі (старшы навуковы супрацоўнік аддзела гісторыі Вялікай Айчыннай вайны і партызанскага руху; 1985—1992 гг.). Даследаваў гісторыю падпольнага і партызанскага рухаў у часы Другой сусветнай вайны.

Творы

Кнігі

• Партийное подполье и партизанское движение в Минской области 1941—1945 / АН Беларуси, Ин-т истории; Под ред. И. М. Игнатенко. — Мн: Навука і тэхніка, 1992. — 413 с.
• Разведка, контрразведка в партизанском движении Белоруссии 1941—1944 годы / К. И. Доморад; Ред. И. М. Игнатенко. — Мн.: Навука і тэхніка, 1995. — 256 с.: ил.

У сааўтарстве

• Барадач, Г. А., Дамарад, К. І. Калектывізацыя сельскай гаспадаркі ў заходніх абласцях Беларускай ССР. — Мн.: Дзяржаўнае Выд-ва БССР, 1959. — 166 с.

Калектыўныя творы

• Всенародная борьба в Белоруссии против немецко-фашистских захватчиков в годы Великой Отечественной войны. Т. 1 — 3. — Мн., 1983—1985.
• Гісторыя Беларускай ССР: У 5 т. / АН БССР, Ін-т гісторыі; Рэдкал.: І. М. Ігнаценка, Л. С. Абецэдарскі, К. П. Буслаў і інш. Т. 4: Беларусь напярэдадні і ў гады Вялікай Айчыннай вайны Савецкага Саюза (1938—1945 гг.) / Рэдкал. тома: І. С. Краўчанка і інш. — Мн.: Навука і тэхніка, 1975. — 640 с.

Артыкулы

• Так ли должны писаться военные мемуары? // Военно-исторический журнал. — 1966. — № 11. — С. 82 — 83.