Капліца Найсвяцейшай Дзевы Марыі (Гароднікі)

Капліца Найсвяцейшай Дзевы Марыі — каталіцкая драўляная капліца ў вёсцы Гародніках Ашмянскага раёна Гродзенскай вобласці. Размяшчаецца на могілках.

Капліца
Капліца Найсвяцейшай Дзевы Марыі
54°22′17″ пн. ш. 25°51′29″ у. д.HGЯO
Краіна	Беларусь
Вёска	Гароднікі
Канфесія	Каталіцтва
Епархія	Гродзенская дыяцэзія
Дэканат	Ашмянскі
Архітэктурны стыль	народнае дойлідства
Заснавальнік	Снядэцкія
Дата пабудовы	1864 год
Статус	Гісторыка-культурная каштоўнасць Беларусі, шыфр 413Г000770шыфр 413Г000770
Стан	дзейнічае
Медыяфайлы на Вікісховішчы

Гісторыя

Капліца на мясцовых могілках вядома з першай трэці ХІХ стагоддзя, да 1830 года тут была капеланія ад францішканскага кляштара са Старых Ашмянаў (зараз ускраек горада Ашмяны). Новая капліца на яе месцы пабудавана ў 1864 годзе як сямейная пахавальня тутэйшых землеўладальнікаў Снядзецкіх і прыпісана да ашмянскай парафіі^[1].

З’яўлялася сямейнай пахавальняй уладальнікаў маёнтка Снядэцкіх. Адлюстравана на малюнку Напалеона Орды 1876 годзе^[2]. Адрэстаўрыравана ў 1990 годзе. Побач з капліцай пастаўлена мармуровае надмагілле вядомаму польскаму вучонаму і асветніку А. Снядэцкаму (1768—1838).

23 лістапада 2021 рашэннем Гродзенскага абласнога савета па пытаннях гісторыка-культурнай спадчыны капліцы прысвоены статус гісторыка-культурнай каштоўнасці 3-й катэгорыі^[3].

Архітэктура

Помнік народнага дойлідства. Прамавугольны ў плане зруб з трохграннай апсідай, над якой агульны двухсхільны дах пераходзіць у вальмавы. Франтальны фасад завершаны чатырохграннай вежачкай. Ашаляваныя сцены зруба расчлянёны арачнымі аконнымі праёмамі і вертыкальнымі брусамі-сцяжкамі ў прасценках. У інтэр’еры над уваходам — хоры^[4].

• 
• 
• 
• 
• 
• 

Зноскі

1. Ашмяны (капліцы)
2. Капліца-пахавальня Снядэцкіх | Гароднікі
3. Тры капліцы атрымалі статус гісторыка-культурнай каштоўнасці
4. ГАРОДНІКСКАЯ КАПЛІЦА НАЙСВЯЦЕЙШАЙ ДЗЕВЫ МАРЫІ(недаступная спасылка)