Капліца Святых апосталаў Пятра і Паўла (Казлы, Вілейскі раён)

Капліца Святых апосталаў Пятра і Паўла — праваслаўная могілкавая капліца у в.Казлы Вілейскага раёна Мінскай вобласці. Прыпісная да прыходу Свята-Ільінскай царквы ў аг.Ілья Вілейскага раёна.

Капліца праваслаўная
Свята-Петра-Паўлаўская капліца
54°21′52″ пн. ш. 27°16′30″ у. д.HGЯO
Краіна	Беларусь
Вёска	Казлы (Вілейскі раён)
Канфесія	Беларуская праваслаўная царква
Епархія	Маладзечанская
Тып будынка	Капліца
Архітэктурны стыль	народнае дойлідства
Стан	дзейная
Медыяфайлы на Вікісховішчы

Гісторыя

Пабудавана з дрэва на могілках, каля цэнтра вёскі. Дакладная дата пабудовы невядомая. Па дадзеным мясцовых жыхароў і даваенным картам, існавала ў канцы ХІХ — першай палове ХХ стагоддзеў. Рамантавалася ў 1990-ых гг. і ў 2017 годзе^[1].

Архітэктура

Твор народнага дойлідства. Вырашана прамавугольным зрубам, які пераходзіць у трохсценную апсіду. Вертыкальна ашаляваныя фасады афарбаваныя ў сіні колер, з прарэзанымі прамавугольнымі аконнымі праёмамі ў простых ліштвах. Трохвугольны франтон з нішай мае паўкруглае акенца з шалёўкай у выглядзе абрыса купала-цыбуліны.

Зноскі

1. У Нядзелю 23-ю пасля Пяцідзясятніцы епіскап Павел здзейсніў богаслужэнне ў храме святога Георгія Пераможцы п.Партызанскі Вілейскага раёна(недаступная спасылка) // Маладзечанская епархія