Каравайна

Карава́йна — возера ў Полацкім раёне Віцебскай вобласці, на мяжы з Глыбоцкім раёнам ў басейне ракі Нача, за 40 км на паўднёвы захад ад Полацка.

Каравайна
Морфаметрыя
Вышыня над узроўнем мора	146 м
Даўжыня	1,8 км
Шырыня	0,56 км
Плошча	0,64 км²
Аб’ём	0,00278 км³
Даўжыня берагавой лініі	6,17 км
Найбольшая глыбіня	9,4 м
Сярэдняя глыбіня	4,3 м
Гідралогія
Салёнасць	0,22 ‰
Празрыстасць	4 м
Басейн
Плошча вадазбору	2,6 км²
Выцякаюць	ручай
Размяшчэнне
Краіна	Беларусь
Рэгіён	Віцебская вобласць
Каравайна
Каравайна

Плошча паверхні 0,64 км². Даўжыня 1,8 км, найбольшая шырыня 0,56 км. Даўжыня берагавой лініі 6,17 км. Найбольшая глыбіня 9,1 м, сярэдняя 4,3 м. Аб’ём вады ў возеры 2,78 млн. м³. Плошча вадазбору 2,6 км².
Катлавіна Каравайна рэшткавага тыпу. Схілы катлавіны вышынёй 7—10 м (на паўднёвым усходзе 4—5 м), стромкія, пясчаныя. Берагавая лінія звілістая. Берагі пясчаныя, вышынёй ад 0,1—0,2 да 0,3—0,5 м. На поўначы і захадзе берагі возера сплавінныя. На захадзе вялікі заліў, акружаны балотам і злучаны з возерам шырокай пратокай. Мелкаводдзе вузкае, пясчанае, месцамі ілістае, глыбей дно выслана сапрапелем.
Возера эўтрофнае, слабапраточнае. Зарастае надводнай расліннасцю да глыбіні 1,6—2 м, падводнай — да 5 м. З возера выцякае ручай у раку Быстрыца.

У возеры водзяцца шчупак, лешч, акунь, плотка, гусцяра, краснапёрка, лінь і іншыя рыбы.

Літаратура

• Энцыклапедыя прыроды Беларусі. У 5-і т. Т.2 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 2. — 522 с. — 10 000 экз.
• Республика Беларусь. Витебская область. Полоцкий район: карта / Ред. В. А. Змачинская. — Мн.: Белкартография, 2012. — 5 000 экз. (руск.)
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — 72 с. — 10 000 экз. — ISBN 978-985-508-136-5. (руск.)

Спасылкі

• Возера Каравайскае Архівавана 10 жніўня 2013.