Каралеўскае хімічнае таварыства

Каралеўскае хімічнае таварыства (англ.: Royal Society of Chemistry, RSC) — навуковая супольнасць (прафесійная асацыяцыя) Злучанага Каралеўства, мэтай якой з’яўляецца развіццё хімічнай навукі. Таварыства было створана новым каралеўскім указам у 1980 годзе шляхам зліцця Хімічнага таварыства, Каралеўскага інстытута хіміі, Таварыства Фарадэя і Таварыства аналітычнай хіміі. Таварыству прадпісвалася падвойная роля навуковай супольнасці і прафесійнага аб’яднання. Адразу пасля ўзнікнення Таварыства налічвала 34 000 членаў унутры Злучанага каралеўства і 8 000 за яго межамі.^[15]

Каралеўскае хімічнае таварыства
Краіна	Вялікабрытанія[1][2]
Адміністрацыйны цэнтр	Бёрлінгтан-хаус[d]
Тып арганізацыі	scientific society[d], прафесійная асацыяцыя[d], выдавецтва, trade union federation[d], некамерцыйная арганізацыя і выдавец свабоднага доступу[d]
Кіраўнік	Джыліян Рыд[d][3]
Заснаванне
Дата заснавання	1980[4]
Абарот	▼64,8 млн £ (2020)[5]
Колькасць супрацоўнікаў	▲627 чал. (2020)[5]
Член у	ORCID[d][6][7] Committee on Publication Ethics[d][8] Publishers Association Limited[d][9] Society Publishers' Coalition[d][10] Open Access Scholarly Publishers Association[d][11] Association of Learned and Professional Society Publishers[d][12] CHORUS[d][13] International Association of Scientific, Technical and Medical Publishers[d][14]
rsc.org (англ.)
Медыяфайлы на Вікісховішчы

Штаб-кватэра Таварыства размяшчаецца па адрасе Лондан, Пікадзілі, Бёрлінгтан-хаўс  (руск.). Яго філіял таксама размешчаны ў Кембрыджы ў Томас Грэхэм Хаўс, названым у гонар Томаса Грэма, першага прэзідэнта Хімічнага таварыства. Там знаходзіцца выдавецтва Каралеўскага хімічнага таварыства. Таварыства таксама мае філіялы ў ЗША ва Універсітэцкім гарадскім навуковым цэнтры ў горадзе Філадэльфія, а таксама ў Кітаі (Пекін і Шанхай) і ў Індыі (Бангалор).^[16]

Прэзідэнт таварыства

Прэзідэнт выбіраецца раз на два гады і носіць значок у выглядзе кола са спіцамі, на шасцікутным медальёне ў цэнтры якога знаходзіцца фігура Джозефа Прыстлі, якая выканана эмаллю, пераважна чырвонага і сіняга колеру. Вобад кола залаты, а дванаццаць спіц — з нецьмяных металаў.

Дзеючы прэзідэнт — Джыліян Рыд  (англ.) (2022—2024).

Папярэднімі прэзідэнтамі таварыства былі:

• 1980—1982: сэр Эварт Рэй Герберт Джонс  (англ.) (1911—2002)
• 1982—1984: сэр Джон Іван Джордж Кэдаган  (англ.) (1930—2020)
• 1984—1986: Рычард Освальд Чэндлер Норман  (англ.) (1932—1993)^[17]
• 1986—1988: сэр Джэк Льюіс  (руск.) (1928—2014)^[18]
• 1988—1990: Джон Мэйсан Уорд  (англ.) (1921—2014)
• 1990—1992: сэр Рэкс Эдуард Рычардс  (англ.) (1922—2019)
• 1992—1994: Чарльз Уэйн Рыз  (англ.) (1927—2006)^[19]
• 1994—1996: Джон Говард Пурнел  (англ.) (1925—1996)^[20]
• 1996—1998: Эдвард Уільям Абель  (англ.) (1931—2021)
• 1998—2000: Энтані Ледвіт  (англ.) (1933—2015)^[21]
• 2000—2002: Стывен Віктар Лей  (англ.) (1945-)
• 2002—2004: сэр Харальд Крота (1939—2016)
• 2004—2006: Сайман Кэмпбел  (англ.) (1941-)^[22]
• 2006—2008: Джэймс Фіст  (англ.) (1938-)
• 2008—2010: Дэвід Гарнер  (англ.) (1941-)^[23]
• 2010—2012: Дэвід Філіпс  (англ.) (1939-)^[24]
• 2012—2014: Леслі Елаўліз  (англ.) (1953-)^[25]
• 2014—2016: Дамінік Тылдслі  (англ.)[14] (1952-)^[26]
• 2016—2018: сэр Джон Холман  (англ.) (1946-)^[27]
• 2018—2020: дама Кэрал Робінсан  (англ.) (1956-)^[28]
• 2020—2022: Том Уэлтан  (англ.) (1964-)^[29]

Узнагароды

Каралеўскае хімічнае таварыства штогод прысуджае мноства прэмій і ўзнагарод, у тым ліку ўзнагароды за выдатныя дасягненні ў любой галіне хіміі, у спецыялізаваных галінах або за дасягненні на пэўных этапах кар’еры хіміка.^[30]

Медалі ўручаюцца цэнтралізавана таварыствам і яго падраздзяленнямі. Ёсць таксама ўзнагароды, якія адмініструюць групы па інтарэсах.

Да медалёў, якія прысуджаюцца цэнтралізавана, адносяцца прэмія памяці Харысана-Мелдалы  (англ.), якая ўручаюцца брытанскаму хіміку ва ўзросце да 32 гадоў за шматабяцальныя арыгінальныя даследаванні ў галіне хіміі^[31], а таксама прэмія Кордэй-Моргана  (англ.), якая складаецца з трох асобных узнагарод за ўклад у эксперыментальную хімію (уключаючы камп’ютарнае мадэляванне).^[32] Прэмія Тылдэна  (англ.), раней вядомая як лекцыя Тылдэна, складаецца з трох узнагарод, якія штогод прысуджаюцца вучоным у сярэдняга ўзросту за дасягненні ў галіне хіміі.

Сярод лаўрэатаў прэміі Харысана-Мелдалы (вядомай як медаль і прэмія Мелдалы да яе зліцця ў 2008 годзе з прэміяй Эдварда Харысана) Крыстафер Кельк Інгальд  (руск.) (1921, 1922), Сірыл Норман Хіншэлвуд (1923), Дадлі Уільямс  (руск.) (1966).

Сярод узнагароджаных медалём Кордэй-Моргана Дэрэк Бартан (1949), Рональд Сідней Найхалм  (руск.) (1950), Фрэдэрык Сенгер (1951), Джон Корнфарт (1953), Рэкс Рычардс  (англ.) (1954) і Джордж Портэр (1955).

Аддзяленне Фарадэя штогод прысуджае прэмію Марлоў  (англ.) за ўклад у фізічную хімію або хімічную фізіку членаў Аддзялення Фарадэя ва ўзросце да 32 гадоў.^[33] Сярод нядаўніх лаўрэатаў Эндру Ор-Юінг  (англ.) (1999), Джонатан Джонс  (англ.) (2000), Хелен Філдынг  (англ.) (2001), Джонатан Эсэкс (2002), Дарэн Каруана (2003), Джонатан Рыд (2004), Джулі Макферсан  (англ.) (2005), Фрэд Мэнбі (2006) і Алесандра Траізі (2007).

Твітар-канферэнцыя #RSCPoster

Каралеўскае хімічнае таварыства праводзіць штогадовую канферэнцыю ў Твітары.^[34][35][36] Мерапрыемства праводзіцца цалкам анлайн на працягу 24 гадзін. Мэта гэтага унікальнага фармату — ліквідацыя экалагічных і фінансавых затрат, звязаных з наведваннем традыцыйнай навуковай канферэнцыі, а таксама дапамога даследчыкам у абмене працамі і сувязях паміж дысцыплінамі.^[37]