Караль Біске

У Вікіпедыі ёсць артыкулы пра іншых людзей з прозвішчам Біске.

Караль Біске^[4] (польск.: Karol Biske; 1863—1928) — польскі мастак.

Караль Біске
Дата нараджэння	1863[1][2][…]
Месца нараджэння	Варшава, Царства Польскае, Расійская імперыя[3]
Дата смерці	1928[1][2][…]
Месца смерці	Варшава, Варшаўскае ваяводства, Польская Рэспубліка[3]
Месца пахавання	Старыя Павонзкі
Грамадзянства	Польская Рэспубліка
Дзеці	Рышард Біске
Род дзейнасці	мастак
Медыяфайлы на Вікісховішчы

Біяграфія

Першыя ўрокі малявання браў у гімназіі ў Адрыяна Глэмбоцкага^[pl], а пазней вучыўся ў варшаўскім Класе малявання ў Войцеха Герсана і Аляксандра Камінскага^[pl]. У 1883—1885 гадах вучыўся ў Пецярбургскай Акадэміі мастацтваў. Пасля вяртання ў Варшаву рабіў дрэварыты для «Tygodnik Ilustrowany», выкладаў маляванне ў гімназіях. У 1897 годзе адкрыў уласную школу жывапісу ў Варшаве.

Падчас 1-й сусветнай вайны, з 1914 года быў у бежанстве ў Мінску. Напэўна, у сакавіку 1916 года быў адным са стваральнікаў у Мінску Аддзела помнікаў пры Цэнтральным грамадзянскім камітэце^[pl]. У 1918 годзе Аддзел фактычна замяніла Мінскае кола Таварыства апекі над помнікамі мінуўшчыны^[pl], Караль Біске быў сярод членаў Управы Мінскага кола^[5], а яго сын Рышард — сакратаром^[6]. Аддзел і потым Мінскае кола займалася пошукам, фіксацыяй, ратаваннем і вывазам у Польшчу культурных каштоўнасцяў, як эвакуяваных расійскімі ўладамі пры адступленні з польскіх губерняў, так і мясцовых. Караль Біске зрабіў вялікую колькасць замалёвак помнікаў у Мінску і рэгіёне. У 1918 годзе, пасля заняцця Мінска Чырвонай Арміяй, Біске вярнуўся ў Варшаву. Узнагароджаны за гэту дзейнасць.

Магіла сям’і Біске, у тым ліку Караля, на могілках Старыя Павонзкі.

Пахаваны на Старых Павонзках.

Сям’я

Меў дачку і двух сыноў, адзін з іх польскі рэжысёр Рышард Біске (1895—1938).

Творчасць

Пісаў пераважна пейзажы, у творах выяўляў чуласць да прыроды, пачуццё настрою і колеру.

Выстаўляў творы пераважна ў Таварыстве заахвочвання прыгожых мастацтваў^[pl] у Варшаве, салоне Аляксандра Крывульта^[pl] ў Варшаве і Таварыстве сяброў прыгожых мастацтваў у Познані (польск.: Towarzystwo Przyjaciół Sztuk Pięknych w Poznaniu).

Творы захоўваюцца, між іншым, у Нацыянальным музеі ў Варшаве^[7].