Карусель

У паняцця ёсць і іншыя значэнні, гл. Карусель (значэнні).

Карусель (ад фр.: carrousel, італ.: carosello) — атракцыён, які ўяўляе сабой платформу, якая верціцца, на якой усталяваны (альбо падвешаны да даху, альбо прымацаваны да цэнтральнай стойкі) сядзенні, зробленыя часцей за ўсё ў выглядзе коней, аўтамабіляў і іншых жывёл або транспартных сродкаў.

Аформленая ў старым стылі французская карусель з лесвіцай на другі паверх у Ла-Рашэль (Францыя)

Карусель круціцца з дапамогай рухавіка (звычайна электрычнага) ці саміх адпачывальнікаў, якія перад пасадкай на карусель раскручваюць яе. Другі тып каруселі часта ўсталёўваецца на дзіцячых гульнявых пляцоўках.

Тыпы каруселяў

У залежнасці ад тыпу кручэння вакол вертыкальнай восі, каруселі дзеляцца на наступныя тыпы:

• карусель з простым кручэннем;
• карусель з хвалепадобным тыпам кручэння;
• карусель са складаным кручэннем;
• карусель з кручэннем і ўздымам.

Спасылкі

• На Вікісховішчы ёсць медыяфайлы па тэме Карусель