Касмічны цэнтр Танегасіма

Касмічны цэнтр Танегасіма (яп.: 種子島宇宙センター) (TNSC) — найбуйнейшы ракетна-пускавы комплекс Японіі, агульнай плошчай каля 9,7 квадратных кіламетраў^[2]. Ён размешчаны на паўднёва-ўсходнім узбярэжжы Танегасімы, вострава прыблізна ў 40 км на поўдзень ад Кюсю. Ён быў створаны ў 1969 годзе, разам з Нацыянальным агенцтвам касмічных распрацовак Японіі (NASDA). Цяпер ім кіруе JAXA.

 

Касмічны цэнтр Танегасіма
種子島宇宙センター
Старт ракеты H-IIA з касмічнага цэнтра Танегасіма
Абрэвіятура	TNSC
Краіна	Японія
Адміністрацыйны цэнтр	Танегасіма, Японія
Адрас	30°24′00″ пн. ш. 130°58′12″ у. д.HGЯO
Тып арганізацыі	касьмічны цэнтр[d]
Заснаванне
Дата заснавання	17 верасня 1969[1]
Матчыная арганізацыя	JAXA
jaxa.jp/about/cen… (яп.) global.jaxa.jp/ab… (англ.)
Медыяфайлы на Вікісховішчы

Да дзейнасці TNSC адносіцца зборка, выпрабаванне, запуск і кантроль за спадарожнікамі, а таксама выпрабаванне ракетных рухавікоў.

У той час як многія падобныя аб'екты па ўсім свеце знаходзяцца на плоскай адкрытай мясцовасці, касмічны цэнтр Танегасіма знаходзіцца сярод красачных зялёных гор, а стартавы комплекс акружаны каралавымі рыфамі. Паколькі ён пабудаваны каля ўскрайку мыса, яго часам называюць «самай прыгожай ракетнай базай на свеце»^[3]

Аб’екты

Асноўныя мясцовыя аб’екты ўключаюць:^[4]

• Стартавы комплекс Ёсінобу
• Будынак зборкі ракет (VAB)
• Другі корпус выпрабавання і мантажну касмічных апаратаў
• Цэнтр кіравання палігонам Такэсакі

Гэтыя аб’екты выкарыстоўваюцца для выканання аперацый ад зборкі ракет-носьбітаў, тэхнічнага абслугоўвання, інспекцый, канчатковых праверак спадарожнікаў, загрузкі спадарожнікаў на ракеты-носьбіты^[5], запускаў ракет і кантролю за ракетамі-носьбітамі пасля запуску.^[6] TNSC адыгрывае ключавую ролю ў запусках спадарожнікаў сярод касмічнай інфраструктуры Японіі.

Арбітальныя запускі адбываюцца са стартавага комплексу Ёсінобу, з двух стартавых пляцовак:

• LP-1 (Запускі N-I і H-IIA) знаходзіцца ў 30°24′03″ пн. ш. 130°58′40″ у. д.^HGЯO;
• LP-2 (Запускі H-IIB і H-3) знаходзіцца ў 30°24′03″ пн. ш. 130°58′33″ у. д.^HGЯO.

Рухавік першай ступені H-IIA, LE-7A, выпрабоўваўся на выпрабавальным стэндзе Ёсінобу.^[7] Маюцца дапаможныя будынкі для зборкі новых касмічных апаратаў, а таксама для радыёлакацыйнага і аптычнага суправаджэння запускаемых ракет.

Старэйшы стартавы комплекс Осакі (месціўся ў 30°23′55″ пн. ш. 130°58′07″ у. д.^HGЯO) быў закрыты ў 1992 годзе. Там распрацоўвалі і запускалі ракеты-носьбіты N-I, N-II і H-I.

Музей касмічнай навукі і тэхнікі знаходзіцца побач з TNSC. Ён прапануе глыбокі погляд на гісторыю касмічных тэхналогій у Японіі. Хаця большасць выстаў і на японскай мове, даступныя турыстычныя брашуры на англійскай мове.