Каспля

Каспля — рака ў Смаленскай вобласці Расіі і Віцебскім раёне Беларусі, левы прыток Заходняй Дзвіны.

Каспля
Характарыстыка
Даўжыня	136 км
Басейн	5 410 км²
Расход вады	39,6 м³/с
Вадацёк
Выток	Каспля
• Каардынаты	54°59′00″ пн. ш. 31°37′20″ у. д.HGЯO
Вусце	Заходняя Дзвіна
• Каардынаты	55°24′31″ пн. ш. 30°43′09″ у. д.HGЯO
Размяшчэнне
Водная сістэма	Заходняя Дзвіна → Балтыйскае мора
Краіны	Расія  Беларусь
Код у ДВР	01020000412105000001950
вусце
Медыяфайлы на Вікісховішчы

Даўжыня Касплі складае 136 км, у межах Беларусі 20 км. Плошча вадазбору 5410 км², у межах Беларусі 513 км². Сярэднегадавы расход вады ў вусці 35 м³/с. Сярэдні нахіл воднай паверхні 0,2 ‰.

Назва

У назве Каспля бачаць дзве асновы, з іх другую выводзяць ад літоўскага upė "рака"^[1][2].

Асноўныя прытокі

Злева: Вымнянка, Неварожка. Справа: Жараспея, Габза.

На рацэ

Гарады: Дзямідаў. Гарадскія пасёлкі: Сураж.

Агульнае

Выцякае з возера Каспля ў Смаленскім раёне на ўсходніх схілах Віцебскага ўзвышша, у нізоўі цячэ па Суражскай нізіне, вусце каля г.п. Сураж. Найвышэйшы ўзровень разводдзя ў 1-й дэкадзе сакавіка, найбольшая вышыня над межанным узроўнем (у Беларусі) 9,1 м (1956). Замярзае ў 1-й дэкадзе снежня, крыгалом у пачатку сакавіка.

Даліна пераважна трапецападобная, шырынёй 300—400 м (у вярхоўі да 3 км). Пойма ніжэй вусця Габзы перарывістая, шырыня яе 100—200 м.

Рэчышча слабазвілістае, шырынёй 10—30 м у верхнім цячэнні і да 40—50 м у ніжнім.