Касцюшкавіцкі сельсавет

Касцю́шкавіцкі сельсавет — адміністрацыйна-тэрытарыяльная адзінка ў складзе Крычаўскага раёна Магілёўскай вобласці Беларусі. Цэнтр — аграгарадок (да 2010 года вёска) Касцюшкавічы.

Касцюшкавіцкі сельсавет
Краіна	Беларусь
Статус	сельсавет
Уваходзіць у	Крычаўскі раён
Уключае	20 населеных пунктаў
Адміністрацыйны цэнтр	Касцюшкавічы
Дата ўтварэння	20 жніўня 1924
Старшыня сельсавета	Уладзімір Аляксандравіч Мядзведзеў
Насельніцтва (2019)	1 375
Плошча	161,86 км²
Часавы пояс	UTC+03:00
Код аўтам. нумароў	6
Афіцыйны сайт

Утвораны 20 жніўня 1924 года як Дарліўскі (Дарлінскі) сельсавет у складзе Крычаўскага раёна Калінінскай акругі БССР. Цэнтр — вёска Дарлівае. 21 жніўня 1925 года цэнтр сельсавета перанесены ў вёску Касцюшкавічы (Касцюкавічы), сельсавет перайменаваны ў Касцюшкавіцкі (Касцюкавіцкі). З 9 чэрвеня 1927 года ў складзе Магілёўскай акругі. Пасля скасавання акруговай сістэмы 26 ліпеня 1930 года ў Крычаўскім раёне БССР, з 20 лютага 1938 года — Магілёўскай вобласці. 16 ліпеня 1954 года да сельсавета далучана тэрыторыя скасаванага Сакольніцкага сельсавета^[1]. З 25 снежня 1962 года ў складзе Мсціслаўскага раёна, з 6 студзеня 1965 года ў складзе адноўленага Крычаўскага раёна. У 1977 годзе скасаваны пасёлак Вуглы^[2]. 24 лютага 1982 года ў склад сельсавета з Бацвінаўскага сельсавета перададзены 6 населеных пунктаў (вёскі Воўчас, Гуркава Ніва, Малькаўка, Новікі, Сячыхі і пасёлак Каханоў)^[3]. 20 лістапада 2013 года ў склад Лабковіцкага сельсавета перададзены 7 населеных пунктаў (пасёлкі Арэхаўскі, Дубоўскі, Кліноўскі, Пад’ялецкі, Сасноўскі, вёскі Дарлівае і Камароўка)^[4].

Насельніцтва сельсавета паводле перапісу 2009 года (27 населеных пунктаў) — 2009 чалавек^[5], з іх 94,5 % — беларусы, 4,3 % — рускія, 0,6 % — украінцы^[6]. Станам на 2017 год на тэрыторыі сельсавета пражывала 1810 чалавек. Насельніцтва сельсавета паводле перапісу 2019 года (20 населеных пунктаў) — 1375 чалавек^[7].

Зноскі

1. Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнні выканкома Магілёўскага абласнога Савета народных дэпутатаў ад 18 кастрычніка і 22 лістапада 1977 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1978, № 3 (1557).
3. Рашэнне выканкома Магілёўскага абласнога Савета народных дэпутатаў ад 24 лютага 1982 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1982, № 10 (1708).
4. Решение Могилевского областного Совета депутатов от 20 ноября 2013 г. № 23-1 Об изменении административно-территориального устройства некоторых административно-территориальных единиц Могилевской области Архівавана 16 чэрвеня 2020.
5. Насельніцтва населеных пунктаў Магілёўскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Насельніцтва населеных пунктаў Магілёўскай вобласці Беларусі паводле перапісу 2019 года