Калінінская акруга

Калі́нінская акру́га (у тагачаснай прэсе і афіцыйных дакументах назва акругі на беларускай мове падавалася як «Калінаўская», «Калінаўшчына» і г.д., замест «Калінінская») — адміністрацыйна-тэрытарыяльная адзінка ў БССР у ліпені 1924 — чэрвені 1927 гадоў. Цэнтр — горад Клімавічы. Плошча 8371 км², насельніцтва 401,1 тыс. чал. (1924 г.).

Калінінская акруга
Краіна	СССР
Уваходзіць у	Беларуская ССР
Адміністрацыйны цэнтр	Клімавічы
Дата ўтварэння	17 ліпеня 1924
Дата скасавання	9 чэрвеня 1927
Насельніцтва	374 900 чал.
Плошча	8 400 км²
Медыяфайлы на Вікісховішчы

Гісторыя

Калінінская акруга ў 1925 годзе

Калінінская акруга ўтворана 17 ліпеня 1924 года ў складзе БССР. Уключала 10 раёнаў:

• Бялынкавіцкі
• Касцюковіцкі
• Клімавіцкі
• Краснапольскі
• Крычаўскі
• Мілаславіцкі
• Мсціслаўскі
• Расненскі
• Хоцімскі
• Чэрыкаўскі.

Раёны 20 жніўня 1924 года падзелены на 126 сельсаветаў. У склад акругі ўваходзілі: 1 горад (Мсціслаў) і 6 мястэчак (Касцюковічы, Клімавічы (з 3 ліпеня 1925 года горад), Краснаполле, Крычаў, Хоцімск, Чэрыкаў (з 3 ліпеня 1925 года горад)). 9 чэрвеня 1927 года акруга скасавана, Бялынкавіцкі, Касцюковіцкі, Клімавіцкі, Краснапольскі, Крычаўскі, Мілаславіцкі, Хоцімскі і Чэрыкаўскі раёны далучаны да Магілёўскай акругі, Мсціслаўскі і Расненскі раёны — да Аршанскай акругі.

Іншае

Акруга была названа ў гонар «усесаюзнага старасты» Міхаіла Калініна.

Акруговая газета — «Наш працаўнік».

Літаратура

• Административно-территориальное устройство БССР: справочник: в 2 т. / А.И. Карпачева и др. / Главное архивное управление при Совете Министров БССР, Институт философии и права Академии наук БССР. — Т. 1: (1917―1941 гг.). — Мн., «Беларусь», 1985. — 390 с.
• Калінінская акруга // Энцыклапедыя гісторыі Беларусі: У 6 т. Т. 4. Кадэты — Ляшчэня / БелЭн; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1997. — 432 с.: іл. — С. 28. — ISBN 985-11-0041-2.