Касцёл Святога Іосіфа (Барадзенічы)

Касцёл Святога Іосіфа — каталіцкі храм у в. Барадзенічы Браслаўскага раёна Віцебскай вобласці.

Каталіцкі храм
Касцёл Святога Іосіфа
55°31′32″ пн. ш. 27°17′25″ у. д.HGЯO
Краіна	Беларусь
Вёска	Барадзенічы
Канфесія	Каталіцтва
Епархія	Віцебская дыяцэзія
Дэканат	Шаркаўшчынскі
Архітэктурны стыль	класіцызм
Дата пабудовы	1836 год
Статус	Гісторыка-культурная каштоўнасць Беларусі, шыфр 213Г000876шыфр 213Г000876
Стан	дзейнічае
Медыяфайлы на Вікісховішчы

У паняцця ёсць і іншыя значэнні, гл. Касцёл Святога Іосіфа.

Гісторыя

Касцёл пабудаваны ў ХІХ стагоддзі фундатарам Лапацінскім. У галоўны фасад касцёла ўмаравана пліта з надпісам на латыні і лічбамі «1836», якія магчыма, датычыць асвяшчэнне касцёла. Гістарычныя дакументы, якія датычаць будаўніцтва, былі знішчаныя ў часы савецкай улады.

У гады Першай сусветнай вайны ксяндзом Віктарам Шутовічам быў адкрыты інтэрнат для сірот. Набажэнства ў храме вялося на беларускай мове.

Зачынены ў 1930-я гады. У 1939—1949 гадах пробашчам парафіі быў кс. Юзаф Інгелевіч. Наступныя два гады парафіяй кіраваў прыезджы святар. Да 1989 года касцёл стаяў зачынены. У 1989 годзе была адпраўлена першая Святая Імша на вуліцы, бо ў святыні на той час яшчэ мясціўся склад.

Архітэктура

Помнік архітэктуры позняга класіцызму. Прамавугольны ў плане аб’ём пад двухсхільным дахам, трохвугольны франтон якога на фасадзе завершаны 3-яруснай васьміграннай драўлянай званічкай. Канічны дах паўкруглай апсіды завершны 8-граннай сігнатуркай. Сіметрыя фасада вылучана арачнымі праёмамі ўвахода і 2 бакавых аконных праёмаў. 4 паўкалоны і трохвугольны франтон з прафіляваным антаблементам імітуюць класічны порцік.

Атынкаваныя і пабеленыя элементы архітэктурнага дэкору кантрастна вылучаюцца на паліхромным фоне бутавай муроўкі — плоскія ліштвы прамавугольных і арачных аконных праёмаў і паўкруглых люкарнаў, прафіляваны карніз і антаблемент. Франтон фасада запоўнены роспісам і скульптурай Мадонны ў арачнай эскедры.

Зала касцёла перакрыта плоскай столлю. Акрамя цэнтральнага чатырохкалоннага алтара, у ім ёсць два бакавыя 2-пілястравыя алтары: Святога Антонія і Святога Іосіфа. Яны вырашаны ў стылістыцы неакласіцызму са стылізаваным дарычным антаблементам. У галоўным алтары месціцца абраз Найсвяцейшай Дзевы Марыі, Маці Міласэрнасці.

• 
  Касцёл у 1900 г.
• 
  Касцёл у 1930 г.
• 
  Касцёл у 1930 г.
• 
  Касцёл у 1930 г.
• 
  Касцёл у 1930 г.
• 
  Касцёл у 1930 г.
• 
  Касцёл у 1930 г.

Літаратура

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000876

• Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с. — ISBN 978-985-11-0395-5. — С. 25—26.

Спасылкі

• На Вікісховішчы ёсць медыяфайлы па тэме Касцёл Святога Іосіфа (Барадзенічы)
• Касцёл Святога Іосіфа (Барадзенічы) на сайце Catholic.by (бел.)
• Касцёл Святога Іосіфа (Барадзенічы) на сайце Radzima.org
• Касцёл Святога Іосіфа (Барадзенічы) на сайце Глобус Беларусі (руск.)