Каханак Вялікай Мядзведзіцы

«Каха́нак Вялі́кай Мядзве́дзіцы» (польск.: Kochanek Wielkiej Niedźwiedzicy) — раман Сяргея Пясецкага, напісаны ў 1935 годзе і апублікаваны ў 1937 годзе. Апісвае рэаліі польска-савецкага памежжа ў 1-й палове 1920-х гадоў. Твор заснаваны на біяграфіі аўтара, які таксама займаўся памежным гандлем.

Каханак Вялікай Мядзведзіцы
Kochanek Wielkiej Niedźwiedzicy
Жанр	раман
Аўтар	Сяргей Пясецкі
Мова арыгінала	польская
Дата напісання	1935 год
Дата першай публікацыі	1937 год
Выдавецтва	выдавецтва «Rój»
Пераклад на беларускую	2009 год
Перакладчык	Фелікс Янушкевіч
Электронная версія

Змест

Цэнтр дзеяння — мястэчка Ракаў, размешчанае тады на польска-савецкай мяжы, «за 33 вярсты ад Мінска». Апавядальнік рамана — Уладэк Лабровіч, які паходзіць з Віленскага ваяводства, дзе не змог знайсці працу, прыязджае ў Ракаў на запрашэнне былога ваеннага сябра, цяпер «машыніста» (кіраўніка кантрабандыстаў) Юзафа Трафіды, і атрымлівае з ім месца для жыцця і магчымасць зарабляць на кантрабандзе, чаго збольшага ніхто там не цураўся.

Галоўны герой перажывае шэраг прыгодаў. Ён схоплены і зняволены бальшавікамі, уцёк з цягніка, які вёз яго ў ссылку. Хлусліва абвінавачаны і арыштаваны польскай паліцыяй, уцёк і ад яе, хаваўся. Змены ў групе, з якой герой ходзіць за мяжу, страта сяброў, замах на яго жыццё. Блакада мяжы разам з яго супольнікамі. Пасля страты ўсіх супольнікаў, страты ўсіх сяброў ён пакідае мяжу. Аднак ён усё яшчэ застаецца паблізу мяжы, якую добра ведае.

Беларускія выданні

• Сяргей Пясецкі. Каханак Вялікай Мядзведзіцы. — Віктар Хурсік, 2009. — 352 с. — ISBN 978-985-6888-11-6. (пераклад з польскай мовы Фелікса Янушкевіча)^[1]
• Сяргей Пясецкі. Каханак Вялікай Мядзведзіцы. — Регистр, 2019. — 400 с. — ISBN 978-985-7215-02-7.^[2] (пераклад Г. А. Бенкевіча)^[3]
• Сяргей Пясецкі. Каханак Вялікай Мядзведзіцы. — Логвінаў, 2020. — 402 с. — ISBN 978-609-8213-76-8. (пераклад Марыі Пушкінай)^[4]

У культуры

• У 2017 годзе Піт Паўлаў выдаў самотнік «Каханак Вялікай Мядзведзіцы», якая мусіла ўвайсці ў яго сольны альбом «Зброя.Золата.Кабеты»^[5].

Гл. таксама

• Усходнія Крэсы
• Заходняя Беларусь

Зноскі

1. Каханак Вялікай Мядзведзіцы (livelib.ru)
2. Каханак Вялікай Мядзведзіцы | OneBook.by (нявызн.)(недаступная спасылка). Архівавана з першакрыніцы 27 студзеня 2021. Праверана 6 лютага 2021.
3. Каханак Вялікай Мядзведзіцы (kniganosha.by)
4. Каханак Вялікай Мядзведзіцы. Сяргей Пясецкі - Кнігарня Логвінаў (lohvinau.by)
5. ПРАЙСЦІ МЯЖУ ЗА 3 ХВІЛІНЫ. ПЕРШЫ СІНГЛ З РОК-ТРЫЛЕРУ ПІТА ПАЎЛАВА (ПРЭМ’ЕРА) (беларуская мова) // Tuzin.fm. — 09.03.2017. Архівавана з першакрыніцы 21 красавіка 2020.