Кацярына Васілеўна Пятрова

Кацярына Васілеўна Пятро́ва^[2] (21 лістапада 1904 — 26 студзеня 1985) — вучоны ў галіне ветэрынарыі, доктар ветэрынарных навук (1956), прафесар (1958).

Кацярына Васілеўна Пятрова
Дата нараджэння	21 лістапада 1904(1904-11-21) ці 4 (17) студзеня 1904[1]
Месца нараджэння	Алатыр, Алатырскі павет[d], Сімбірская губерня, Расійская імперыя
Дата смерці	26 студзеня 1985(1985-01-26)[1]
Грамадзянства	Расійская імперыя  СССР
Род дзейнасці	вучоная
Навуковая сфера	ветэрынарыя
Месца працы	Казанская дзяржаўная акадэмія ветэрынарнай медыцыны імя М. Э. Баўмана[d] Самарскі дзяржаўны медыцынскі ўніверсітэт[d] Віцебская дзяржаўная акадэмія ветэрынарнай медыцыны
Навуковая ступень	доктар ветэрынарных навук (1956)
Навуковае званне	прафесар
Альма-матар	Казанская дзяржаўная акадэмія ветэрынарнай медыцыны імя М. Э. Баўмана[d] (1934)
Узнагароды	Грамата Прэзідыума Вярхоўнага Савета БССР

У Вікіпедыі ёсць артыкулы пра іншых людзей з прозвішчам Пятрова.

Біяграфія

Нарадзілася ў горадзе Алатыр (адміністрацыйны цэнтр Алатырскага раёна Чувашыі). У 1929 годзе скончыла Казанскі фармацэўтычны тэхнікум і працавала загадчыкам аптэкай^[3] Казанскага ветэрынарнага інстытута. У 1934 годзе скончыла Казанскі ветэрынарны інстытут. Працавала ў ім у 1935—1937 і 1938—1940 гадах асістэнтам кафедры фармакалогіі^[4]. У 1937—1938 і 1940—1941 гадах на кафедры фармакалогіі і таксікалогіі Віцебскага ветэрынарнага інстытута^[4]. З 1941 года К. В. Пятрова працавала ветэрынарным урачом у калгасе, у 1944—1946 гадах — дацэнт кафедры фармакалогіі Куйбышаўскага медыцынскага інстытута^[4]. У 1946—1973 гадах на пасадзе загадчыка кафедры фармакалогіі і таксікалогіі.

Навуковая і грамадская дзейнасць

Аўтар навуковых прац па фармакалогіі і таксікалогіі лекавых рэчываў, больш за 60 артыкулаў. Пад кіраўніцтвам К. В. Пятровай падрыхтаваны 4 кандыдацкіх і адна доктарская дысертацыі^[3].

Сярод апублікаванага:

• Влияние тиаргена на организм при лечнии бабизелиеллоза крупного рогатого скота // Ветеринария, 1953, № 9;
• Форамокология гемоспоридина и его применение при бабизиеллозе крупного рогатого скота // Пртозойные болезни сельскохозяйственных животных. — М., 1955.

На працягу 12 гадоў абіралася дэпутатам Віцебскага гарадскога Савета народных дэпутатаў^[3].

Узнагароды

• Ганаровая грамата Вярхоўнага Савета БССР^[3]
• Граматы мясцовых органаў улады<ref name="ВДАВМ" >

Зноскі

1. Чувашская энциклопедия — Чувашское книжное издательство, 2006. — 2567 с. — ISBN 978-5-7670-1471-2

   <a href='https://wikidata.org/wiki/Track:Q4517503'></a><a href='https://wikidata.org/wiki/Track:Q19909792'></a>
2. БелЭн 2001.
3. История кафедры фармакологии и токсикологии Архівавана 3 ліпеня 2020. (руск.) // Афіцыйны сайт ВДАВМ
4. Вучоныя Беларусі. Пятрова, Кацярына Васілеўна (доктар ветэрынарных навук; 1904—1985).