Кацярына Мікалаеўна Паздзяйкіна

Кацярына Мікалаеўна Паздзяйкіна (нар. 6 красавіка 1984, п. Мікашэвічы, Лунінецкі раён, Брэсцкая вобласць) — беларускі службовец, дэпутат Палаты прадстаўнікоў Нацыянальнага сходу Рэспублікі Беларусь з 2024 года.

Кацярына Мікалаеўна Паздзяйкіна
дэпутат Палаты прадстаўнікоў Нацыянальнага сходу Рэспублікі Беларусь[d] з 2024
Нараджэнне	6 красавіка 1984(1984-04-06) (41 год) Мікашэвічы, Лунінецкі раён, Брэсцкая вобласць, Беларуская ССР, СССР
Адукацыя	Брэсцкі дзяржаўны ўніверсітэт імя А. С. Пушкіна Інстытут павышэння кваліфікацыі і перападрыхтоўкі кіруючых работнікаў і спецыялістаў БрДУ імя А. С. Пушкіна[d] Рэспубліканскі інстытут павышэння кваліфікацыі і перападрыхтоўкі работнікаў Міністэрства працы і сацыяльнай абароны Рэспублікі Беларус[d]
Месца працы	Маларыцкі кансерваагароднінасушыльны камбінат[d]

У Вікіпедыі ёсць артыкулы пра іншых людзей з прозвішчам Паздзяйкіна.

Біяграфія

Нарадзілася 6 красавіка 1984 года ў п. Мікашэвічы Лунінецкага раёна Брэсцкай вобласці^[1].

Скончыла Брэсцкі дзяржаўны ўніверсітэт імя А. С. Пушкіна па спецыяльнасці «Хімія» з дадатковай спецыяльнасцю «Біялогія»; Інстытут павышэння кваліфікацыі і перападрыхтоўкі кіруючых работнікаў і спецыялістаў БрДУ імя А. С. Пушкіна па спецыяльнасці «Дзяржаўнае і мясцовае кіраванне»; Рэспубліканскі інстытут павышэння кваліфікацыі і перападрыхтоўкі работнікаў Міністэрства працы і сацыяльнай абароны Рэспублікі Беларусь па спецыяльнасці «Ахова працы ў галінах невытворчай сферы»^[1].

Працавала настаўнікам хіміі сярэдняй школы № 14 г. Брэста; інжынерам-мікрабіёлагам вытворча-выпрабавальнай лабараторыі, інжынерам па ахове працы, начальнікам вытворча-выпрабавальнай лабараторыі Маларыцкага кансерваагароднінасушыльнага камбіната^[1].

У 2024 годзе выбрана дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Белавежскай акругі № 8. Член Пастаяннай камісіі па аграрнай палітыцы^[1].

Сям’я

Замужам, мае сына^[1].