Кацярына Сяргееўна Андрэева

У Вікіпедыі ёсць артыкулы пра іншых людзей з прозвішчам Андрэева.

Кацяры́на Сярге́еўна Андрэ́ева (27 лістапада 1961^[3], Масква) — расійская тэлевядучая, актрыса , журналіст, вядучая інфармацыйнай праграмы «Час» на Першым канале.

Кацярына Андрэева
руск.: Екатерина Владимировна Андреева
Дата нараджэння	27 лістапада 1965(1965-11-27)[1][2] (59 гадоў) ці 27 лістапада 1961(1961-11-27) (63 гады)
Месца нараджэння	Масква, РСФСР, СССР
Грамадзянства	СССР  Расія  Чарнагорыя
Адукацыя	Маскоўскі дзяржаўны абласны ўніверсітэт[d] (1990)
Прафесія	вядучы навін, тэлевядучая, рэдактар, журналістка
Кірунак	тэлебачанне
Узнагароды	ТЭФІ[d] (2007)
IMDb	ID 5022167
Медыяфайлы на Вікісховішчы

У 1990 годзе скончыла Маскоўскі педагагічны інстытут імя Крупскай, вучылася на вячэрнім аддзяленні Усесаюзнага юрыдычнага завочнага інстытута (УЮЗІ). Працавала ў Генеральнай пракуратуры, у следчым кіраванні, курыравала складаныя крымінагенныя зоны: Краснадарскі край, Стаўраполле.

У 1990 годзе паступіла на курсы для працаўнікоў радыё і тэлебачання. У «школе дыктараў» вучылася ў Ігара Кірылава. У 1991 годзе пачала працаваць на тэлебачанні.

Кацярына Андрэева з прэзідэнтам Расіі Уладзімірам Пуціным і тэлевядучым тэлеканала РТР Сяргеем Брылёвым. 24 снежня 2001 г.

У Дырэкцыі Інфармацыйных праграм з 1994 года. Упершыню выйшла ў эфір у 1995 годзе. З 1998 года — сталая вядучая праграмы «Час». У сярэдзіне жніўня 2009 года стала вядома, што Кацярына Андрэева адхілена ад эфіру. Да канца жніўня гэтага ж года вядучая лічылася ў адпачынку.^[4]

Замужам (муж — бізнесмен), дачка Наталля — выпускніца МДІМА.

Узнагароды

• ордэн Дружбы (2006 год)^[5]
• Лаўрэат ТЭФІ ў намінацыі «Вядучы інфармацыйнай праграмы» (2007 год)

Зноскі

1. https://youtube.com/watch?v=nrhXBxFMI7o&t=55m46s
2. https://www.apn.ru/index.php?newsid=38140
3. СМІ: Кацярыне Андрэевай ужо 45. А хто дасць… (руск.)
4. Расійскія СМІ паведамілі пра адхіленне Кацярыны Андрэевай ад эфіру на «Першым канале» Архівавана 26 жніўня 2009. (руск.) // Lenta.ru
5. Узнагароджана ўказам прэзідэнта Расіі У. Пуціна 27 лістапада 2006 г. Архівавана 6 снежня 2013.