Каштанавік

Запрос «Каштанавік» перасылаецца сюды; гл. таксама іншыя значэнні.

Кашта́навік^[1][2], таксама Дубовік (Gyroporus castaneus) — від трубчастых шапкавых грыбоў роду гірапорус сямейства Балетавыя. Мае падабенства з белым грыбам, але ножка мае карычневы колер і полая альбо з пустэчамі. Пашыраны ў Еўропе, Азіі і Паўночнай Амерыцы^[2]. На тэрыторыі Беларусі расце ўсюды.

Каштанавік
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Балетавыя Сямейства:  Балетавыя Род:  Гірапорус Від:  Каштанавік
Міжнародная навуковая назва
Gyroporus castaneus (Bull.) Quél. 1886
Сістэматыка на Віківідах Выявы на Вікісховішчы NCBI   150864 EOL   195239 MB   356881

Пладовае цела грыба — шапка на ножцы. Шапка дыяметрам 5—9 (4—10^[3]) см, амаль гладкая, чырванавата-бураватая, ці карычневата-бураватая. Мякаць белая, шчыльная, тоўстая, з прыемным пахам. Колер не змяняе. Пад скуркай мякаць шапкі часам бураватага колеру^[2]. Ножка даўжынёй 5—7 см і дыяметрам 1,5—3 см, цыліндрычная, злёгку патоўшчаная ў ніжняй частцы. Колер ножкі такі ж, як шапкі. Трубкі свабодныя, спачатку белыя, пазней цямнеюць да крэмавага колеру. Споры гладкія, эліпсоіднай або яйкападобнай формы, жаўтаватага^[2] колеру. Пладовыя целы з’яўляюцца паасобку і невялікімі групамі на пясчанай глебе, пераважна ў лісцевых лясах і хмызняках^[2].

Малавядомы ядомы грыб. Занесены ў Чырвоную кнігу Расіі^[3].

Зноскі

1. Каштанавік, Дубовік у адпаведнасці з БЭ ў 18 тамах., Т. 8. Мн., 1999, С.200
2. Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.
3. Гиропорус каштановый, или каштановый гриб, или каштановик, или заячий гриб — Gyroporus castaneus (Fr.) Quel. // Экологический центр «Экосистема»™ (руск.)