Кварцыт

Кварцыт — метамарфічная горная парода, якая складаецца галоўным чынам з кварцу. Дужы і трывалы кварцавы пясчанік з крамяністым цэментам, белы, шэры або чырванаваты^[1], вельмі цяжкі для апрацоўкі.

Кварцыт

Кварцыт

Генезіс — дыягенез^[ru] або метамарфізм^[ru] кварцавага пяску. Трываласць на сціск 100—450 МПа, аб’ёмная маса ў сярэднім 2.6 г/см³, шчыльнасць у сярэднім 2.68 г/см³, цвёрдасць па шкале Моаса — 7, вогнетрываласць да 1770 °C. Склад: кварц 70-80 %, лушчак, плагіяклазы^[en], тальк і г. д. Тэкстура масіўная, сланцаватая, плямістая. Структура крупчастая.

• Жалезісты кварцыт (джэспіліт) ужываюць у вытворчасці дынасу^[ru] і як флюс^[ru] у металургіі; кіслотатрывалы матэрыял, будаўнічы (у тым ліку дэкаратыўны) камень. Ужываецца ў выглядзе шчэбню ў будаўніцтве, для пакрыцця падлог, дабавак да бетону.

• Малінавы кварцыт здабываецца на заходнім беразе Анежскага возера ў Прыанежскім раёне Карэліі^{[крыніца?]}.

Гл. таксама

• Калосы Мемнана

Зноскі

1. Hamilton et al 1976. Metamorphic Rocks - Quartzite (англ.). Сайт: «Rocks Rock!» (rocks-rock.com). Архівавана з першакрыніцы 13 лютага 2012. Праверана 4 жніўня 2011.