Кладофара

Кладофара (Cladophora) — род ніткавых зялёных водарасцей сямейства кладофаравых.

Кладофара
Навуковая класіфікацыя
Дамен:  Эўкарыёты Царства:  Расліны Аддзел:  Зялёныя водарасці Клас:  Ulvophyceae Парадак:  Кладофаравыя Сямейства:  Кладофаравыя Род:  Кладофара
Міжнародная навуковая назва
Cladophora Kützing
Выявы на Вікісховішчы ITIS   6763 NCBI   34125 EOL   9861

Апісанне

Макраскапічныя водарасці ў выглядзе рыхлых ніткавата-кусцістых дзярнінак шчыльных падушка- і паўшарападобных калоній ці бясформенных скопішчаў цёмна-зялёных, цвёрдых навобмацак нітак (ціна); прымацаваны рызоідамі да субстрату ці свабодна плаваюць, утвараючы ціну. Ніткі галінастыя, з адным радам звычайна выцягнутых (даўжыня перавышае шырыню ў 20 разоў), шмат’ядравых клетак — сегментаў. Хларапласт сеткаваты ці ў выглядзе мноства дыскападобных пласцін і пірэноідаў.

Кладофара скручаная (Cladophora glomerata), Швецыя.

Вядома звыш 150 відаў, пашыраных у трапічных і ўмераных шыротах, на мелкаводдзі мораў, саланаватых і прэсных вадаёмаў. На Беларусі ў азёрах, сажалках і рэках адзначаны кладофара слабая (Cladophora fracta), кладофара скручаная (Cladophora glomerata).

Размнажэнне вегетатыўнае (часткамі талому, акінетамі), бясполае (зааспорамі), полавае (ізагамія). Адзначана чаргаванне пакаленняў: спарафіту і гаметафіту.

Літаратура

• Міхееа Т. М. Кладофара // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.