Клевяшчына няпэўная

Клевяшчы́на няпэўная^[2][3], Клевяшчыца^[4][5] (Kadenia dubia) — від кветкавых раслін роду Kadenia сямейства Парасонавыя (Umbelliferae).

Клевяшчына няпэўная
Агульны выгляд расліны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Парасонакветныя Сямейства:  Парасонавыя Падсямейства:  Apioideae Трыба:  Selineae Род:  Kadenia Від:  Клевяшчына няпэўная
Міжнародная навуковая назва
Kadenia dubia (Schkuhr) Lavrova & V.N.Tikhom.
Сінонімы
Aethusa venosa Jess. Cnidium dubium (Schkuhr) Schmeil & Fitschen Cnidium sylvestre Grande Cnidium venosum (Hoffm.) W.D.J.Koch Selinum venosum Prantl nom. illeg.[1]
Сістэматыка на Віківідах Выявы на Вікісховішчы NCBI   910420 EOL   5042013 IPNI   840447-1 TPL   tro-1700059

Батанічнае апісанне

Батанічная ілюстрацыя Якаба Штурма з кнігі «Deutschlands Flora in Abbildungen», 1796

Шматгадовая або двухгадовая травяністая расліна вышынёй 30—100 см з верацёнападобным коранем. Сцябло адзіночнае, прамое, злёгку баразнаватае і слаба галінастае ў верхняй частцы. Лісце чаргаванае, двойчы-тройчы перыстараздзельнае або ланцэтападобна-лінейнае, з вострым канцом. Ніжняе лісце на чаранках, пераходзячых у похвы. Похвы лісця часта маюць пурпуровае адценне. Кветкі белага колеру, у складаных парасоніках з 20—35 промнямі. Пялёсткі кветак эліпсоіднай формы. Плод — віслаплоднік, які пры выспяванні распдаецца на дзве палавінкі (мерыкарпіі) з 5 шырокімі крылатымі рэбрамі.

Распаўсюджанне і экалогія

Барэальны еўраазіяцкі від. Святлолюбівая расліна, але пераносіць цень^[6]. Мезафіт, гіграфіт, мезатроф і эўтроф^[6]. Расце ў мяшаных лясах з бярозавым і бярозава-асінавым дрэвастоем, у алешніках, прыбярэжных і пойменных хмызняках, на вільготных лугах, аблогах і пустках.

Ахоўваецца на тэрыторыі шэрагу рэгіёнаў Расіі, у Літве, Латвіі, Украіне^[6].

Лекавая расліна^[6].

Зноскі

1. Kadenia dubia (Schkuhr) Lavrova & V.N.Tikhom. is an accepted name (англ.). Royal Botanic Gardens, Kew and Missouri Botanical Garden. Праверана 17 лістапада 2013.
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 39. — 160 с. — 2 350 экз.
3. Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.
4. Анненков Н.  (руск.) Ботанический словарь, Спб, 1878
5. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
6. Кадения сомнительная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)